Salento 👨🏽‍🌾

Mit ämä chlinä Flugi für gad mau 30 Nasänä simr vo Medellin nach Pereira gflogä. 🛩 Iu du, da het mä de oh mau äs Wöuchli gspürt womä dürä gflogä isch. 🙈😁 Isch aber schüsch intressant gsi mit sorä chlinä Maschinä mau ds flügä. 👍🏻😎 Ds Pereira simr när ufä Bös für nach Salento umgstigä. 🚌 Üsi Ruckseck si näbem Chauffeur ufbigä wordä u dr Bös isch wiedermau guät bsetzt gsi. 🙈😁 Nach paar Kurvänä hets de plötzlech bim Chauffeur vornä ahfah rouchnä... 🌫😱 Da Türä zuä isch gsi, heimr probiert wenigstens diä Fänsterli chli uf ds duä, damit mir nid gad ä Rouchvergiftig bechömä. 🙊😷 Dr Chauffeur isch de chli komisch zu dä Pedau vor abä böigt gsi. 😳😱 Ohoh... hoffendlech geiz ihm guät uh äs isch nüt schlimmers... 😳 Wo säch dr Rouch de mau vezogä het heimr de erfahrä, dass är vergässä het d‘Handbräms ds lösä. 🙈😂 Nach langem hetrs de gschafft diä umä irgendwiä ds lösä u de simr doch no guät ih däm Salento ahcho. 👍🏻😅

D‘Wanderschuäh tatsächläch wieder mau fürä gno uh de simr ids „Valle del Cocora“ tschaupet.  ⛰😎 Dr erst Teil isch mir fasch wiä im Ämmitau vorcho, när simr witer dürnä Näbuwaud zurä Kolibri-Farm ufä glofä. ⛰😎 Hei de dert öppis chlises gässä u dä Kolibris chli zuägluägt wiä flink si gö dr Nektar ga schnabulierä. 😜 Wos de umä abä gangä isch heimr de schöni grüäni Fäuder mit grossä Paumänä u Chüäh wo am Hang graset hei vor üs gha. ⛰🌴🌴🐮🌴😁 Äs spezieus Panorama heimr de dert dörfä gseh u gniässä. 😍😎

Am nächstä Tag simr de uf ä biologischi Kafifarm gangä. 🌱

Da niemer ussert mir üs für diä spanischi Füährig ahgmuldä het, heimr ä privati Tour mitm „Farmer“ gha. 👨🏽‍🌾👏🏻😃 Är het üs ihri ganzi Farm zeigt u jedä Schritt vom pflanzä bis zum Kaffi im Tassli erklärt. 🌱☕️👏🏻😃 

Mir hei de när säuber dörfä diä tröchnetä Kaffibohnä mit ämä Sieb vor Hüusä trennä, när ihrä Aluminiumpfannä röstä, mahlä u när natürläch oh trinkä. ☕️😍 Dä kolumbianisch Kafi isch eifach scho öppis vom feinstä. ❤️ Sogar dr Pädu het äs ☕️ gno. 👍🏻😜

Dr „Farmer“ het de üs de no zeigt was si schüsch no so oh ahpflanzt hei. 🌿 Vom Bambus, verschidnigi Chrüter, Brombeeri, Avocadoboum, Bananä, Limettä, Lulu bis zur Ananas womr när säuber pflückt hei u mit ihm dörfä ässä. 🎋🥑🍌🍊🍍👏🏻😜 Isch eini vo dä bestä gsi womr bis itze gha hei. 🍍😍