Cartagena 🇨🇴

Cartagena ligt ar Karibikküste u trumpft mitere guet erhautene Koloniaustadt uf. Innerhaub vo de früecherige Stadtmuure hets schön farbigi Geböide mit guete Restaurants, Kafis u Bars. 

Usserhaub vor Innestadt isch's wie viune Orte in Kolumbie, prägt vo armä Gägändä. Ohni richtigi Ghüderabfuehr, unbefestigte Strasse und eifache Blächhüttene. Dr Coiffeursalon isch de o ganz eifach ä Spiegu am Boum ufghänkt u mitemne Gartestuhl vor dranne. Hie gseht mä, dass nume die wenigste Lüt äs Stück vom Chueche überchöme. Wie überau in Südamerika isch o hie eis vo de gröschte Problem d'Korruption. Dr ganz staatläch Apparat befridigt zersch d'Eigeinträssä. Chli wie dr Clown witer nördlecher mit America first 🤡 Drum isches o nid witer verwunderlech stigt Kriminalität währenddäm dass d'Wirtschaft stagniert. Das isch natürläch aues mini persönlechi Asicht u chönnt mä fasch über ganz Südamerika sägä.

Auso verstöht mi nid fausch, Kolumbiä isch wunderschön und het troumhafti Landschafte. D'Lüt si zuvorkommend und sehr hiufsbereit. Äs git aber o ä angeri Site aus die wo d'Touriste wo mitem Chrützfahrtschiff ungerwägs si gseh... 

Kolumbie wird übrigens wider äs Reisezieu uf eim vo üsne zuekünftige Usflüg si 😀