Santa Teresa 🌸

So itze nöchets langsam u mir si bi üsem letschtä Reisäziu in Costa Rica.

Santa Teresa isch äs chlises Surferdörfli am Atlantik u het feini Restaurant. 🏝🏄‍♂️ Perfekt für diä letschtä paar Täg no chli Sunnä ds tankä u fein ds ässä. ☀️😎🍤😍

Üsi Ungerkunft isch diräkt unger ämä grossä Boum gsi u am Abä cha mä dert im Grüänä ussä oh no gad feini Tapas ässä. 🌳🏡👏🏻😉

Da äs ei Abä isch cho rägnä, heimr üs entschlossä diä Tapas mau ga us ds probierä. 😜 Womr de hei wöuä bsteuä isch ih däm Momänt im ganzä Dörfli dr Strom usgfauä. ⚡️🙈 Bravo, ke Liächt, kes Ässä! 😱😔

Dr Chef het de gmeint das chiem no viu vor. Wes lang so trochä isch u äs när ändlech chunt cho rägnä, de chas si, dass si när bis zu 3 Täg ke Strom meh hei. 🙈😅 Hmm... guät, das cha äuä no chli durä... 🤔 Drfür hei mir üses Glas Wy im Cherzäliächt chönnä gniässä. 🍷🕯💑 Nach ärä Stung hets de umä Strom gä u mir hei üsi Tapas doch no chönnä usprobierä. 👏🏻🤗

Mir hei de no ä Usflug uf Montezuma gmacht. Dert simr amä schönä Bach entlang zumä Wasserfau gwanderet. 🎒😎 Isch sehr versteckt u ahgnähm früsch gsi. 👍🏻😅

Ds Santa Teresa si mir de no chli mitm 🚲 umä gfahrä u hei am Strand d’Sunnä gnossä. ☀️🏝😎

Ja das wärs gsi... sooooo schnäu gö 4 Mönet Reisä dürä. 😜 Mir fröiä üs aber oh sehr wieder üsi Lüt deheim umä ds gseh u ds ghörä was bi ihnä aues so gangä isch i derä Zyt... 😃

Südamerika isch für üs sehr ihdrückläch u viusitig gsi. Mir hei ungloublech viu verschidnigi Sachä dörfä gseh u erläbä. ❤️

Eis vo dä Highlights si sicher d‘Galapagos Inslä gsi, mit denä viunä verschidnigä u einzigartigä Tier. 🐡🐠🦈🦀🐢🦅🦎😍

Äs angers Highlight isch dr Salkantay-Trekking zum Machu Picchu gsi. ⛰ Mit dr Wanderig uf 4600 m ü. M. wo üs ad Leistigsgränzä bracht het. 🏔

Aber oh ds Gandoca womr uf dr Farm hei ghoufä d‘Schiudchröt ds schützä. 🐢❤️ Mir hei zudäm ganz viu Tier chönnä beobachtet u hei viu Pflanzä endeckt womr vorhär no nid kennt hei. 🕷🐍🐒🌱🌸

Ja mir si üs scho am überlegä wos äch aus nächsts härä geit... 😉