travel.blog
travel.blog
vakantio.de/travelblogdaeniwale

Panama 🇵🇦

Veröffentlicht: 25.03.2018

Hallo Karibik 😉

Vo Cartagena us hei mir nach Panama wöuä flüge. Fasch hätte mir dr Flug verpasst da si am Gate gmeint hei, dass mir nume mitemne Flug- oder Busticket wo d'Usreis us Panama bestätigt, chöi istige. Während däm dass ds Boarding scho gstartet het hani de irgend es günschtigs Busbilett vo Panama uf Costa Rica reserviert. Mit däm si mir de ids Flugzüg u de speter o am Gränzwächter verbi cho... Dass mir ds Ticket när grad ume storniert hei wüus für üs unbruchbar isch gsi erklärt säch dänk öpä vo säuber 😂

Ds Panama-City hei mir d'Autstadt bsuecht wo si im Momänt im grosse Stiu am restauriere si. Öpä i drü Jahr we aus fertig isch wird das sicher äs Bijou wärdä, im momänt no chli ä ungschliffne Diamant 😉

Dr Panama-Kanal hei mir nis o nid lah entga. Äs wahnsinns Bouwärk wo scho 1914 isch fertig gsteut worde u immer no glich funktioniert.
Riesigi Containerschiff hei mir bim überbrügge vo 26 Höhemeter über d'Schleuse zum eigentlechä Kanal chönne beobachte. Die gröschte hei uf beid Site no 61 cm Platz für dür die Schleuse ds manövriere. U das Ganze isch für die Transportungernähmä nid grad günschtig: die gröschte Schiff zahle bis zu eire Million Franke zum düre Kanal ds fahre. Itz wüsse mir werum dr Kafi und dr Schoggi ir Schwiiz so tüür isch... Hie no us Wikipedia die luschtigsti und günschtigsti Kanaldurchfahrt: 

Die niedrigste Gebühr fiel im Jahre 1928 für den US-Amerikaner Richard Halliburton an, den ersten Menschen, der den Panamakanal durchschwamm. Der weltreisende Journalist und Abenteurer war im April 1928 von New Orleans aus nach Mexiko aufgebrochen. Krönender Abschluss seiner Tour durch Mittelamerika sollte die Benutzung des Panamakanals als Schwimmer werden. Die Kanalbehörde war einverstanden unter dem Vorbehalt, dass sie nur einem „Wasserfahrzeug“ die „Durchfahrt“ gestatten könne. Halliburton wurde daher nach dem Schiffsmaß Tonnage vermessen und eingestuft und durfte gegen eine Gebühr von 36 US-Cent, das niedrigste jemals entrichtete Entgelt, seinen Plan umsetzen. In acht Tagesetappen bewältigte er die Strecke inklusive aller Schleusen. 🤣🤣

Am angere Tag si mir de mitere Fokker 50 nach Bocas del Torro gfloge. Öpä äs 30 jährigs Flugzüg u o das isch wider obe abä cho 🙈

Bocas del Torro... das isch itz Karibik mit Troumstränd und ere Art ds Läbä gniesse wo asteckend isch. Mir hei die paar Täg dert sehr gnosse und hättä locker no mau drü, vier Täg meh chönne ahänkä 🏝 O ds Guesthouse wo mir hei gha isch perfekt gsi. Ire Bucht diräkt überem Wasser, mit Terrasse und Hängematte...
Äs gäb no viu über die Insle und d'Ungerwasserwäut ds verzeue, aber d'Biuder sägä sicher scho gnue drüber us 😎😃

Antworten

Panama
Reiseberichte Panama