Gandoca 🐢-Projekt

Asi que estoy escribiendo en español para mis encantadores colegas que hablan español. Nos permitieron pasar siete días maravillosos en Gandoca en una finca muy linda. Nos encontramos con buenos y graciosos amigos. Aprendimos mucho sobre los animales y las plantas aqui en Costa Rica. Lo que llevaré a Suiza es la actitud abierta y alegre de la gente aqui en Costa Rica.

La pura vida ❤️

Vo Panama simr mitm Bös u när ds Fuäss über Gränzä nach Costa Rica tschaupet. Das isch diä unkompliziertästi Ihreis ihnäs Land gsi womr je erläbt hei. Dä vor Migration ds Costa Rica het numä dr Bruäf wöuä wüssä u de hets scho dr Stämpu i Pass gä. 👮🏻‍♂️ Nüt vo Gepäck scannä oder mitm ämä Hung absuächä, weder lang ahstah, äs Usreisebiliet verlangä oder wüssä wiviu Gäud das drbi hesch... 🤔💵 Sehr ahgnämä erstä Ihdruck vo Costa Rica. 🇨🇷👏🏻😜

Ig ha uf üserä Reis no öppis für die Tier hiä wöuä machä oder ds häufä. Dür ä Kollegin bini de uf diä Adrässä in Gandoca cho. Mir häufä hiä 7 Täg uf ärä Farm wo d‘Meereschiudchröt duät schütze. 🐢 D‘Familiä hiä isch sehr ufgsteut u mir hei bi ihnä Chost u Logie dörfä gniässä. Ihri zwe Söhn si de oh üsi Guides gsi wo üs aues erklärt u zeigt hei.

Diä erstä Täg si no 5 Studäntä da gsi wo das Projekt vor Uni us chömä cho ungerstützä u speter isch no eini vo Italiä cho mithäufä. 👍🏻😃 Mir hei ganz viu Tier dörfä gseh u beobachtä z.B. Affä, Waschbärä, Tucanä, Kolibris, Kaimanä, Kräbsä, ganz viu verschidnägi Vögu, Spinnälä, Schlangä u no viu meh...🦎🦋🦗🕷🐍🙈 Zudäm simr ihri Plantage ga ahlugä. Dert hets gaaaanz viu Bananä, Ananas, Kakao, Kokosnüss u viu Frücht wo mir no niä gseh u gässä hei. 👍🏻😊

Üses Tagesprogramm het de äubä öppä so usgseh:

Am Morgä simr ga dr Abfau ga zämäläsä oder ga Paumä am Strand ga setzä. Diä Paumä schützä mit ihrnä Wurzlä diä angerä Pflanzä vor Erosion vom Meer u gäbä zudäm guäti Nährstoffä ab für d‘Vegetation. 🌱🌴🌿 

Am Nami simr am Strand ds ahgschwemmtä Houz, Kokosnüss u Paumäest ga wägruumä, damit d‘Schiudchröt gnuä Platz zum Eier legä hei. 🐢

Am spätä Abä simr de dr Strand abglofä u hei gluägt obs Schiudchröt het wo chömä cho Eier legä. 🐢

Ja äs isch de auso scho fei ä chli ahsträngend gsi... 😅 Äs git drum da paar wichtigi Reglä womä muäss ihhautä wemä am Abä ungerwägs isch... 🤔

z.B. Mä darf ke Liecht ha, wöu das d‘Schiudchröt chönt störä oder abschreckä. Mä darf numä dunkli Chleider tragä u mä sött ke Lärm machä oder lut mit änang redä. 🙊 Ds Loufä am Strand isch zudäm sehr ahsträngend wöu dä jedesmau mit dä Schuäh im Sang ihsinkisch u d‘Schuäh när oh gad gfüut si. 👟🙈

Meistens simr öppä zwöi bis drü Stung im Sang, im Fisterä, müglechst lislig, über diä ahgschwemmtä Sachä tschaupet u si zwüschinä no vorä Wäuä überrascht wordä. 🌊🚶‍♀️🚶🏻‍♂️🙊🙈

Die erstä zwe Nächt heimr leider nüt entdeckt, drfür pfüselät mä nach derä Wanderig wunderbar. 😴😉

Womr de ir drittä Nacht lostschaupet si, isch diä wäutwyt gröschti Meeresschiudchrotäart, d’Baula, an Land grobbt. 🏝🐢🌊

Wow... was für äs Glück, dass mir das hei dörfä erläbä. 🐢👏🏻😍 Mir hei si de im Mondschin chönnä beobachtä, wiä si äs grosses Loch mit ihrnä riisä vorderä Flossä buddlet het u dert ihri 102 Eier gleit het. 🌙 Isch sicher öppä ä Stung gangä. 🤗

Ih derä Zyt si tatsächlech no Lüt cho ds Loufä mit Liächt. Denä heimr de müässä erklärä, dass si bitte ohni Liächt söuä witerloufä damit si nid gstört wird. 😤

D’Baula het de när ih auer Ruäh ds Loch mit dä hingerä chlinerä Flossä sanft zuä gschüttet u när mit dä grossä vorderä Flossä aues schön verdeckt. Aues nachem Motto: „Numä langsam iuflä...“ 😜

Ahschliessend het si säch umä ufä Wäg ih ds Meer gmacht. 🌊 Mir hei de mitm Guide d‘Steu gsuächt u d’Eier usgrabet. Ja genau fasch wiä a Osterä. 🐰😜 Ds Problem isch, dass si d’Eier äbä nid so guet u vorauem z‘nöch vom Meer versteckt het. 🤔🙈

Mir hei d‘Eier när amä sicherä Ort töif ihgrabä u d’Steu guet verdeckt. Damit diä Chlinä diä nächstä 50 Täg, wo si bruchä bis si schlüpfä, nid gfungä wärdä. Äs isch hiä verbotä diä Eier ds nä, aber äs git leider Lüt wo diä Eier usgrabä, verchoufä u pro Ei 1 Dollar bechömä. 😠 Ja u sonä 🐢 cha bis um diä 100 Eier legä u de git das fei ä chli Gäud. 😏 Da aues im Fisterä passiert u d’Polizei hiä no mit angernä Problem kämpfä, isches nid gad eifach das ds stoppä. 😔 Drum si si hiä uf Hiuf vo Volunteers ahgwisä. 🙏🏻

Dr Guide wird de nach 50 Täg ga luägä, dass si ah däm Tag ungstört ids grossä witä Meer zrügg chöi. 🌊🐢🌴

So öppis dörfä mit ds erläbä u ä chlinä Teil drzuä chönä bitragä, git eim äs wunderbars Gfühu im ❤️.

Mir brüchä itze numä no 102 Nämä für diä Chlinä 🐢 wo ih 50 Täg schlüpfä... 🤔😜😂