30.07.2019

eigendlech esch de plan gsi das mer noch kuala lumpur weder zrogg uf thailand göhnd. mer hend den aber spontan entschlosse, das mer doch no uf singapur chönntid goh wells mega nöch esch. gesagt getan. noch emene 50 minüte flog semmer in singapur glandet. mer send scho mol am floghafe gsi zom omstige wo mer uf bali send aber ide stadt sälber semmer nonie gsi. drom hemmer dänkt das mer die chance fast müend nötze, wenn mer scho so ide nöchi send. singapur esch nomol ganz anderst as kuala lumpur. au rächt multikulti ond en hufe natione jedoch vell hektischer ond meh toureste - en rechtigi grossstadt halt. am erste tag semmer ih garden by the bay. das esch en mega grossi garteahlag wo mer eifach muess gseh han ond au sehr bekannt esch in singapur. nochäne semmer ine skybar wo mer öber alles ine gseh hend. die skybar esch bi dene 3 bekannte törm „marina bay“ gsi wo alli met enand verbonde send. am obe semmer no id china town gange. am nächste tag semmer vell met de ubahn onterwägs gsi ond en hufe quartier/bekannti ort go ahluege. spöter semmer den no chli am meer entlang gloffe ond am obe hemmer d’lightshow im garden by the bay gluegt. mer bereuids ned das mer uf singapur gange send ond send sehr froh das mer die intressant stadt send go ahluege.