davemeliunterwegs
davemeliunterwegs
vakantio.de/davemeliunterwegs

19.07.2019

Veröffentlicht: 04.08.2019

in koh tao semmer en ganzi woche blobe. zerst semmer imene hotel resort met emene pool diräkt am strand gsi ond noch 3 nächt semmer no ine anderi onterkonft gange wo chli meh im zentrom gsi esch. in koh tao heds en hufe schöni stränd wo uf de ganze ensle verteilt send ond en hufe ussechtspönkt. metem roller send mer weder guet omenand cho ond hend vell sache chönne entdecke. mer send mehrmols go schnorchle amene strand wo s’riff noch 5 meter scho ahgfange hed ond mer diräkt zmetzt enne ide onterwasserwält gsi esch. do de dave de tauchschin hed esch är au einisch en tauchgang go mache ond hed wonderschöni ufnahme chönne mache. metem böötli 15 min entfärnt vo koh tao esch d’ensle koh nangyuan wo mer nochere chline wanderig en wonderschöne viewpoint erreicht hend. in koh tao sälber heds au en viewpoint gha wo mer wonderbar öber mehreri stränd gseh hend. die räschtleche täg hend mer eifach gnosse ond vorallem au s’schöne wätter es hed nome ade zwöi legste täg liecht grägnet ond söst hemmer emmer en strahlend blaue hemmel gha.

Antworten

Thailand
Reiseberichte Thailand