29.11. - 03.12.2023 - Montréal
Veröffentlicht: 07.12.2023
Newsletter abonnieren
Am 29.11. het eus denn euse Host zrugg uf Ottawa brocht, vo wo denn au euse Bus uf Montréal gfahre isch. Nachdem mer euses Gepäck im Hostel deponiert händ, send mer fein go Pizza und Crêpes ässe und sind no chli durchd Altstadt gloffe.
Am Donnstig send mer denn scho weder bewaffnet met eusem Gepäck durch Montréal gwanderet, well mer die rästliche Täg in Kanada no be öpperem über Couchsurfing verbrocht händ und eus so d Choste för en Unterkunft gspart händ. Nachdem mer chli d Stadt agluegt händ und über de Wiehnachtsmärt gloffe sind, händ mer euse Host troffe zum zäme go schlittschüehndle und aschlüssend ine Jazzbar z goh.
Am erste Dezämber händ mer d Underground City vo Montréal unsicher gmacht, da es es ganzes System vo Gäng wo verschedeni Shopping Malls, Ubahne, Banke, d Uni, Kinos und vell meh Gebäude mitenand verbindet, dass so en Kanadier im Winter alles unterirdisch erreicht und ned use is chalte mues. Me mues sich aber chli uskänne, susch chas passiere, dass mer vom Shopping Center imne Parkhuus landet, de Lift en Stock ufe nimmt und inere Bank usechunnt... Rede us erfahrig!
Euses Vorzmittag händ mer inere Bank wo zumne Café umgwandlet worde isch gnoh. Ufem Wäg zum Zmittag sälber send mer a de Notre Dame verbiicho, wo mer nur inegspienzlet händ wod Türe ufgange isch vo Lüüt wo defür zahlt händ. Dumplings im Chibatown sinds richtige Zmittag worde, so hämmer das Viertel vo Montréal denn au no grad gseh.
Am Obe send mer no as Konzert vo de Jonas Brothers.
Am 02. Dezämber hets zum letzte mol es Zmorge bim Tim Hortons geh, bevor mer denn weder durd Stadt gloffe send. Montréal isch wörk en mega schöni Stadt (chönnt dra ligge, dass mer chönnt meine, inere Stadt in Frankrich z stoh, abgseh vo de Hochhüser het Montréal en sehr feste europäische flair) und mer händ die meisti Ziit au demit verbrocht, eifach umezlaufe. Im lauf vom Tag händ mer eus no met groceries för eusi wiiterreis iideckt und zum Znacht hets es Racelette geh.
A eusem letzte Tag in Kanada hets Wätter denn doch no entschide, eus richtige kanadische Schnee z schänke. S isch de ganz Tag am schneie gsi und het d Stadt no wiehnachtlicher gmacht als sie eh scho gsi isch met de ganze Liechtli und de Wiehnachtsdeko.
D Barbie Expo inere usgstorbene Mall händ mer eus ned entgoh loh, bevor mer weder chli durd Stadt gschliferet sind und euse letzti Schnee i dere Saison gnosse händ.
🌻
Facts:
Am Donnstig send mer denn scho weder bewaffnet met eusem Gepäck durch Montréal gwanderet, well mer die rästliche Täg in Kanada no be öpperem über Couchsurfing verbrocht händ und eus so d Choste för en Unterkunft gspart händ. Nachdem mer chli d Stadt agluegt händ und über de Wiehnachtsmärt gloffe sind, händ mer euse Host troffe zum zäme go schlittschüehndle und aschlüssend ine Jazzbar z goh.
Am erste Dezämber händ mer d Underground City vo Montréal unsicher gmacht, da es es ganzes System vo Gäng wo verschedeni Shopping Malls, Ubahne, Banke, d Uni, Kinos und vell meh Gebäude mitenand verbindet, dass so en Kanadier im Winter alles unterirdisch erreicht und ned use is chalte mues. Me mues sich aber chli uskänne, susch chas passiere, dass mer vom Shopping Center imne Parkhuus landet, de Lift en Stock ufe nimmt und inere Bank usechunnt... Rede us erfahrig!
Euses Vorzmittag händ mer inere Bank wo zumne Café umgwandlet worde isch gnoh. Ufem Wäg zum Zmittag sälber send mer a de Notre Dame verbiicho, wo mer nur inegspienzlet händ wod Türe ufgange isch vo Lüüt wo defür zahlt händ. Dumplings im Chibatown sinds richtige Zmittag worde, so hämmer das Viertel vo Montréal denn au no grad gseh.
Am Obe send mer no as Konzert vo de Jonas Brothers.
Am 02. Dezämber hets zum letzte mol es Zmorge bim Tim Hortons geh, bevor mer denn weder durd Stadt gloffe send. Montréal isch wörk en mega schöni Stadt (chönnt dra ligge, dass mer chönnt meine, inere Stadt in Frankrich z stoh, abgseh vo de Hochhüser het Montréal en sehr feste europäische flair) und mer händ die meisti Ziit au demit verbrocht, eifach umezlaufe. Im lauf vom Tag händ mer eus no met groceries för eusi wiiterreis iideckt und zum Znacht hets es Racelette geh.
A eusem letzte Tag in Kanada hets Wätter denn doch no entschide, eus richtige kanadische Schnee z schänke. S isch de ganz Tag am schneie gsi und het d Stadt no wiehnachtlicher gmacht als sie eh scho gsi isch met de ganze Liechtli und de Wiehnachtsdeko.
D Barbie Expo inere usgstorbene Mall händ mer eus ned entgoh loh, bevor mer weder chli durd Stadt gschliferet sind und euse letzti Schnee i dere Saison gnosse händ.
🌻
Facts:
- Mer send alli de Pete Schalamalabingbong
- 10% vo 140$ send eindütig ned 3 🥴
- D Buttertemperatur isch scho wichtig
- Isch das euses gradus?
- Basilisk ... Basilikum ... die gross Chile do (s Wort wär Basilique gsi 😂)
- Spinne... iipackt... chnusprig
Newsletter abonnieren
Antworten
Reiseberichte Kanada