26.10. - 28.11.2023 - The dOMe retreat

Am 26. sind mer vo eusem Host för de Monet abgholt worde. Sie wohned öppe 45 Minute usserhalb vo Ottawa und betriebed dete s dOMe retrear, en Ort för ganz vell spirituelli Energie.

Eusi Ufgabe send im Hushalt mitzhälfe, de Bode & d Chuchi z butze und susch chlini sache wo afalled. Am Afanf händ mer au no vell im garte gmacht, gjätted und Möbel in sheds versorgt för de Winter.

D Tier do send chli komisch gsi, en dicke Hund wo stinkt und so tuet als wörd er dich ned ghöre, en Chatz wo im einte Moment vo der wett gstreichlet wärde und dich im nöchste biist ind chratzt, en Fisch wo immer sehr tot usgseh het und komischi Hüehner wo kei Eier legged.

S het en Hot Tub geh, de mer händ chöne benutze und anes paar Obe send mer chli driighöcklet (und einisch nachene en Schneeängel go mache im Bikini).

En Kollegin vo eusem Host het momentan au en Workawayerin us Dütschland, sie händ mer denne känneglehrt und chli ziit metenand verbrocht und send a Halloween zäme z Ottawa in Usgang.

Amne random Mitzwoch obe send mer zu de Tochter vo eusem host gfahre worde, send denn zäme ine Bar/ Club wo mer het chöne ufeme mechanical bull het chöne riite. Es isch mega mega voll gsi för en Mittwoch!

Einisch hets es Soundhealing geh, wo mer händ döfe go mitmache und die verschidene Kläng uf eus lo würke loh.

Gege ändi vo eusem Ufenthalt hets no en Mala Workshop geh, wo mer eusi eigeni Malachetti händ chöne chnüpfe.

Well ich einisch ufem Sofa ghockt bin und mini Socke gflickt han und de Host das gseh het, händ mer es Socke gschänkt becho (s isch unaständig wie vell Socke i sonere churze ziit löcher becho händ, aber well, liit glaub dra dasi immer die gliche 7 Paar aahan 😂)

De Monet isch vell z schnäll verbiigange, abers het eus nomol richtig guet doh, chli länger a eim Ort zsii und eusi Batterie chli ufzlade.

🌻

Facts of the month:

• Es het bes vor churtzer ziit en normali chrützig über en Highway geh (?!?!?!)
• Mer läbed!
• Mer chönnted zu de Müllabfuhr go schaffe
• RUE DU STINKSCH
• Fucking kale chips
• SchÖn
• Gemüs
• Ich hab hier manschmal hunger
• Richtig gutes Gefühl in mir drinne