08.01. - 12.01.2024 - Tokyo

08. & 09.01.2024

De 8ti und de 9i send chli zu eim Tag worde, durch de 12 Stunde-Flug uf Japan und d Ziitverschiebig wo mer debii gmacht hend. Am Nomittag vom 09. send mer z Tokyo glandet, bes mer vo det denn aber be eusem Hostel gsi sind isch scho dunkel gsi. S isch so es cools met Einzelkabine gsi, wo mer het chöne en Rollade abezieh und denn sis eignige Rümli gha het. Zum Znacht hend mer de japanisch 7Eleven uscheckt und det euses Znacht gholt.

10.01.2024

Am Morge send mer zum Skytree gfahre und hend vo det Obe d Stadt agluegt. Es isch de 3. höchsti Fernsehturm mit 643 Meter (mer send aber nur uf de erste Plattform uf 350 Meter gsi). Wiiter hend mer zum Sensō-ji Tempel agluegt und det a de Ubahnstation gmerkt, dass es Stämpfel get wo mer cha sammle. Denn send mer zum digital art Muesum "TeamLab" gfahre, det hets zerst no sehr feini vegani Ramen geh. Das ischs coolste Museum gsi, woni jeh gsi ben, mer lauft Barfuess dur alles dure, s isch sehr interaktiv unds werd vell met Liecht und Wasser gspellt. Sehr empfählenswert falls mer mal z Tokyo isch. :)

11.01.2024

D Fushimi Inari Shrine (au 1000 torii gates) send mer als ersts go aluege und send d Stäge dur die vele Tor abegloffe. Wiiter send mer zu de Shibuya Crossing, die "erfügt mit etwa 2500 gleichzeitig die Straße überquerenden Personen über den meistfrequentierten Fußgängerübergang der Welt". Und da stimmt, well det isch d Höll los gsi. Sobalds grüen isch wimmlets nur so vor Mänsche uf de Stross und es laufed bildlich gseh zwei Wänd vo Mänsche ufenand zue, wo nachene irgendwie anenand verbii uf die anderi Strossesiite wänd. Det i de Region send mer denn go Sushi ässe (we me scho einisch molz Japan isch :) ).

12.01.2024

Mer hend scho weder müese uschecke, hends Gepäck aber no chöne im Hostel loh und send de botanisch Garte Shinjuku Gyoen go spaziere und go fötteli mache. Denn hend mer au scho müese ufbräche zum euse Flug uf Thailand z becho, hend schnell neumed no es zmittag ufgläse und denn abdüse met em Skytrain wo eus direkt zum Flughafe brocht het.

🌻

Facts of the days:

• Die wältberüehmti japanischi Chlätterschildchrot!