22.10. - 23.10.23 - Toronto

Am 22. send mer früeh ufgstande (öppe en halb Stund nachdem die letzte im Hostelzimmer vom Usgang zruggcho send), hend am Flughafe s Mietauto zruggeh und send vo Calgary uf Toronto gfloge.

Nacheme zmittag im Flughafe und zwei verlorene Stunde wäg de Überquerig vo de Ziitzone isch denn au scho gli weder nomittag gsi. Nachdem mer euses Hostel gfunde händ, icheckt und d Irichtig bewunderet händ isch denn au scho weder ziit för es znacht gsi und i de Stadt hets denn feini Ramen geh.

Am Morge vom 23. händ mer chli Sightseeing in Toronto gmacht, send chli um de Tower gschliche und händ d Sunne gnosse.
Nachem Zmittag send d Erin und ich met eme Bus zu de Niagarafäll gfahre. Mer hends perfekt gmacht: die billigste Büs am Nomittag/ Obe gnoh, send acho wo d Sunne no gschine het unds über em Wasser schöni Rägeboge geh het, händ d Wasserfäll aber au im dunkle mit de farbige Belüchtig gseh. Mer send wörklich eifach 3 Stund be dene Wasserfäll gstande (und send sehr ned uf euses Läbe klarcho).

🌻

Facts of the days:

• Eus hets allne en sicherig usebutzt (i de schwiiz wett niemer meh met eus befrundet sii, mer send eis)
• Mer händ d USA gseh (ehh tschaau New York)
• D Niagarafäll send ned überbewärtet
• Für die 10jährig Sarah isch grad en ganz grosse Traum in Erfüllig gange
• Mer send uf Wältreis!!