19.10. - 21.10.23 - Banff & Lake Louise

Am 19.10. send mer zum Flughafe gfahre, aber usnahmswiis mol ned zum flüge, sondern zum es Auto miete. Nachem struggle vo Gepäck umeschleppe, die richtig Autofirma am Flughafe finde, s Gepäck no meh umeschleppe well mer amene verbotene Ort gsi send, s Auto sehr lang ned finde und irgendwie met em Gepäck zum Auto cho händ mers denn ergendwenn au gschafft gha und send losgfahre richtig Banff. Umso nöcher mer Banff cho send, um so wiiter send mer au id Rocky Mountains gfahre, und die Bärge send eifach wunderschön.
Z Banff acho und icheckt i euses Hostel, hämmer eus denn no ufgmacht zumd Stadt aluege. S isch sehr touristisch uns zwüschedure hetti mer chöne meine, mer stoht irgendwo imene Schwiizer Skigebietsdörfli. Dank eme Tipp usem Hostel hämmer gwösst, dass es neumed Pizza zum halbe Priis get, da het denn euses Znacht geh - und es isch wahrschinlich die best Pizza gsi, wo mer z Kanada findet!!

Am 20.10 sind mer chli früehner ufgstande, dass mer bi Sunneufgang in Lake Louise sind. Einersiits will Sunneufgäng schön sind, anderersiits well mer so em mega Touristeasturm händ welle entcho. Es het ned so vell Parkplätz det, aber wo mer cho send hets no guet Platz gha (wo mer gange send, sends am Astoh gsi, dass sie händ chöne inefahre).
Spontan händ mer eus entschide, no es paar Wanderwägschilder nochezlaufe und so send mer zerscht zum Mirror Lake, zum Lake Agatha und no uf de Small Beehive ufegloffe und händ d Ussicht bewunderet und vell Fötteli gmacht. Und det obe händ mer s erst Mal z Kanada Schnee aktiv chöne alänge (und de Erin aschüsse).
Chum send mer weder dunde und im Auto gsi, hets agfange rägne. Perfekts timing! Im Dörfli z Lake Louise hets för eus no en heissi Schoggi geh und nachere Zmittagspause im Auto send mer no zum Ussichtspunkt gfahre zum de Castle Mountain vo unde azluege. Natürlich händ mer au no s Banff Springs Hotel müese go aluege, aos händ mer det au no en halt gmacht.

Am Obe send mer weder chli durch Banff gschländered, händ eus feins Popcorn kauft und es paar Reh in Gärte gseh.

Am 21.10. händ mer no de Johnston Canyon ufe wäg metgnoh und händ det nomol euse besti Swiss Speed zeigt. De Canyon het sehr festi Aareschlucht vibes geh, do het me sich fasch chli dehei gfühlt.
Nachene send mer weder zrugg uf Calgary gfahre und send weder is gliiche Hostel wies letzt mol.
Uf die halbi achti händ mer no en Usflug zum Pumpkins after dark gmacht und händ det über 10'000 gschnitzti und belüchteti Chürbis bestuunt.

🌻

Facts of the days:

• Ich ha scho zueglost... ich has eifach weder vergässe
• Anouk isch en guete schlächte ifluss
• Ich mache gueti drüeckigi pose
• GARDINE
• Swiss speed is real!
• Mer möched die beste touri fötteli
• LAMASCHII
• Spot = chalt, dunkel = chalt -> Sarah zieht d Skijacke aa
• Skijacke ha isch scho premium
• *während em fotoshooting* "Denn no din Arsch... das isch sehr guet..."