16.10. - 18.10.23 - Calgary

De 16. het sehr früeh agfange, en Uber het eus an Flughafe gfahre well am 7ni euse Flug uf Calgary gange isch und zu dere Ziit no kei ÖV fahrt.
Z Calgary isch eus grad weder zeigt worde, wie hilfsbereit Kanadier sind, denn wo mer met eusem ganze Gepäck am Flughafe em Bus nochegsprunge sind, het de Busfahrer ned nume gwartet, sondern isch au no extra usgstige und het eus gholfe Tickets am Automate z löse. A einere Haltestell het de Fahrer chli länger en Pause gmacht und isch eus denn cho verzelle, was mer in Calgary und in Banff unbedingt sölle mache. In gliche Bus send denn au no zwei Dütschi igstige, wo ufem Heiwäg gsi sind und ehne hämmer de Bärespray abkauft.
Nachdem mer euses Gepäck im Hostel abglade händ händ mer d Stadt no chli unsicher gmacht.

Am Zistig hets en ruhige Morge geh, met chli läse, Bändeli chnöpfe, Blogbiträg schribe und eusi wiiterreis Plane und bueche. Au s Wätter het eus die Usziit gönnt, am Morge hets rächt grägnet. Uf de Mittag ischs aber schön worde und mer händ no chli Sightseeing gmacht: Ufeme Dach vomene Parkhuus zmitzt in Calgary hets de High Park. Det hets es paar gueti Fötteli vo eus ge. Nachdem glungene Fotoshooting händ mer eus ufd Suechi mach gueter Pizza gmacht - bitte kei so amerikanischi Teiler mit dickem bode und vell zu fettigem Belag - nachdem mer öppe 5 verschideni Lokal abklappered händ, händ mer en Ort mit sehr feine Pizzas und de beste Chnoblisose in Calgary gfunde.
S schöne Wätter händ mer no chli gnutzt und sind d Peace Bridge go aluege.

Am Mittwoch, 18.10. händ mer eus ufd Jagdt nach Füehrerschii gmacht; well ich d Autoprüefig ersch ein Tag bevor mer eusi Wältreis gstartet händ, gmacht han, isch min Uswis noned be mer gsi woni d Schwiiz verloh han. Aud Anouk het en neue Uswis gschickt becho und dorum send beidi eus nochegschickt worde uf Kanada.
Durch connections (danke Janna 🫶🏻) händ mer sie bem Pete chöne go abhole und händ dodurch no en andere Stadtteil vo Calgary gseh.

🌻

• De Tony isch wiis! (=d Fuessgängerample isch grüen und mer chönd laufe)
• 4 Sekunde bes es rot wird? Da längt no zum über d Stross z ränne!
• In Calgary gets ned nur Hochhüser sondern au Hochschueh (Highheels)
• Hi I'm Pete, you're Sarah, I come quickly inside!
• Cruel summer verfolgt eus überall wo mer hegönd (I'm drunk in the back of a car...)
• "Mänsche send im allgemeine chli disgusting"