07.09.23 - Vancouver

Euse ersti Tag in Kanada het (natürlich!!) met eme Zmorge bem Tim Hortons agfange. Nachene denne hend mer de Tag gnutzt umd Stadt chli azluege. Uf einisch ischs sunnig und warm!

Mer send chli durchd Stadt gloffe, händ (so billigi!!) Blaubeeri gässe und send in Stanley Park gfahre, wos Totem Poles het. Det hämmer denn de nomitag verbrocht und ufem heiwäg no "s beste Glace in Kanada" gässe und usversehe no de Olympic Cauldron gfunde.

Zum znacht hets no en mega sale geh; för jeh 2 dollar händ mer no es ganzes asiatisches gricht chöne ha, well sie grad nach eus de Lade zuegmacht händ, 10/10 timing!

🌻

Facts of the day:

• Mer händ gnueg vo instantnoodles und brot
• Ässe isch mega billig im verglich zu de schwiiz und island
• Tim hortons isch eifach geil warum gets da e de schwiiz ned?
• De oberschänkel isch ned de mega geignesti ort för es tattoo wenn mer uf wältreis isch
• D strosse send ja scho ergendwie dumm ufbaut, mer het gfühlt all 20 meter nach jedem block en roti ample? Und denn hesch du als linksabbüger glichzitig grüen wie die vo de entgegegsetzte richtig plus d fuessgänger händ au grüen? För wa gets denn überhaupt ample?