05. + 06.09.23 - Traveldays

Triggerwarnig - Mami bitte keis Härzchriesi becho eus gohts allne guet und mer send zu jedere Ziit in Sicherheit gsi

05.09.2023

Am Morge sind mer in Akureyri ufgwacht und händ eigentlich erscht am Obe en Bus uf Reykjavík welle zruggneh, aber well de Erin und min Gsundheitliche zuestand ned so top gsi send hend mer eus entschide de Bus am Morge scho z neh. Geg die 5i send mer also weder i de Hauptstadt acho und det i euses Hostel, wo mer de Obe no demit verbrocht händ, alli Sache för eusi Ireis nach Kanada vorzbereite. (Zum Bispel euse wiiterflug us Kanada use (well sie eus ohni en Bestätigung dass mer weder gönd ned id Land wörde loh). Fazit: Eusi Reis goht im Dezämber wiiter uf Puerto Rico! -> Ned ganz New York aber trotzdem USA)

06.09.2023

Ganz ganz en komische Tag, en emotional rollercoaster. Am Morge isch no alles guet gsi und eusi Ziit bevor mer an Flughafe händ müese, händ mer no i de Stadt verbroch. Ich ha en sponti gueti Entscheidig troffe und mer no schnäll es isländisches Tattoo stäche loh, nämlich d Bindrune för "Grace". 

Am 2 isch euse Bus zum Flughafe gfahre, mer hend euses Gepäck ufgeh und bis churz bevor mer is Flugi igstge send, isch no alles guet gsi. Denn d Wändig: well de Anouk ihre Reisepass wie ned be de Anouk gsi isch, het sie müese zruggbliibe, während d Erin und ich händ chöne boarde...

8 Stund spöter send denn ⅔ vo eusere Reisegruppe z Vancouver usgstige. D Ireis isch au eifacher gsi als erwartet, nur eusi Blévita hend mer müese chüble wäge de "Seeds" :(

Am Flughafe händ sie mer denn mini Arbeitsbewilligung usgstellt (ich ben immigrated!) und euses Gepäck isch au guet acho. 

Leider hets met eusem Hostel ned klappet, mer send vornedra gstande, aber ned inecho. Mer hend weder es Mail met em Türcode becho gha, no het öpper bem Lüte ufgmacht oders Telefon abgnoh. Also send mer eschmol z Vancouver gstande ohni Unterkunft (und Internet 🤡). Zwei nätti Kanadier händ eus denn mol Hotspot geh und eus no gholfe umezprobiere, öb mer irgendöpper chönd erreiche, aber schlussendlich hend mer es anders Hostel zwei Blöck wiiter gsuecht und hend det icheckt, nachdem mers andere Hostel online storniert händ. Uf jedefall en sehr sehr interessante 31-Stund lange Tag gsi.

🌻

Facts of the days:

• Met eme öffentliche bus über sörigi isländischi chieswäge z fahre erreicht denn doch grad nomol es neus level
• Wenn mer ohnmächtig wird tuet mer normalerwiis ned stärbe ("Sarah, wenn ich jetzt ohnmächtig werd, tuesch mich wederbeläbe?")
• Puerto Rico ghört irgendwie zu de USA
• De Pass z vergässe isch ergendwie chli blöd... 🫠🫣
• Mer send weniger als ein Stund uf Vancouver gfloge (17:15 abflug, 17:55 Akunft 😌) 
• Nach 6 Stund längts denn au weder met imne Flugi hocke
• Ohni Internet voreme Hostel z stoh wo mer ned inechunnt isch ergendwie ned so en cooli Situation (vorallem ned wenn mer sit knapp 20 Stund wach isch)