04.09.23 - No meh nüt

Au höt send mer weder sehr lang durch "nüt" gfahre - also wörkli, teilwis 2 Stund ohni zivilisation und nur zwüschedure eis oder zwei anderi Autos. Em Robert sini Tante het ein Stund wäg bis zum nöchste Lade zum go Poste! Es isch jo scho schön, abgläge neumed zwohne und sini rueh z ha, aber denne wörkli do wohne? Ich weiss ja ned... Stell ich mer ergendwie au sehr einsam vor. 

Als erstes händ mer höt Halt in Hverir gmacht, wos chochendi Schlammpfütze und usträtende Schwäfel get. Es het zemli gstunke und sehr sehr vell Müggli gha aber isch lohnenswärt gsi zum aluege.

Als nöchsts isch Dimmuborgir agluegt, dass send Felsformatione us Lavagstei wo au 10/10 gsi send. Au höt hets Wätter weder mega metgspellt und de ganz Tag hämmer Sunne gha, so send die 11° doch no rächt ushaltbar gsi.

Als letzt hämme no de Goðafoss metgnoh, en mega Wasserfall, bevor mer denn zu eusem hötige Ziel Akureyri (the capital of the north) gfahre send. S absolute highlight send scho d Ample in Form vo Härzli i dere Stadt. Zum Znacht hets denn no mega feini Hot dogs geh, für die Island au bekannt isch.

🌻

Facts of the day:

• Id Chappe schnuufe lohnt sich (wäg em Gstank und wäg de Flüüge)
• "Irgendwie isch schön aber irgendwie stinkts au"
• In Island gets 13 Wiehnachtsmänner (?!)
• I can hear the foss! - Spoken like a real isländer
• Take the chance oder take the Schnuderlumpe!