03.09.23 - Polarliechter!

S erste Sight vom Tag isch weder en Strand mit coolem Sand und deadly sneaker waves gsi (kei sorg, niemer vo eus isch gsneakt worde vom Meer).

Denn hämmer weder chli en längeri Autofahrt vor eus gha, bes ganz im Oste vo Island zum Hengifoss, wo mer in 32 Minute dobe gsi send (es sind 2 Stund Wanderziit agschribe gsi (wanna see some real swiss speed!)). Gueti Disney und Musicalmusig het natürlich dezue bitreit, dass mer ned nur schnäll sondern au sehr guet gluunt dobe und au wohlbehalte weder dunde gsi send.

D Nacht hend mer bem Robert sinere Tante döfe verbringe, imne chline 100-Nase dörfli direkt a de Küst. 

Churz nach 10ni chunnt de Robert inegstürmt, dass es dusse Polarliechter het umd tatsächlich: zersch nur wenig und chli schwerer z erkännendi wiis-grüenlichi Streife am Himmel! Polarliechter!!

Geg die halbi 12i send mer denn nomol es Stück vom Dorf weggfahre (wos Liecht nömm so starch gsi isch) und det isch denn d Post so richtig ab. D Polarliechter sind über de Himmel tanzt und för dass, das Afang September isch, send sie scho rächt starch gsi. D Farb isch ned so intensiv gsi wie uf de Fötteli, sondern eher grau met eme grüenstich (ussert einisch wos sehr fest gsi isch, det sends sogar pink gsi!!). 

Polarliechter send es absoluts 10/10 und scho sooo lang uf minere Bucketlist gstande, was för es Glück mer gha händ, jetzt scho Polarliechter chöne z gseh!!

🌻

Facts of the day:

• Erin gurkt mich aa (mer hend eus sehr lieb und baued en emotionali verbindig uf)
• Zunge verbränne tuet weh (side eye zum halsweh 👀)
• Skyr isch sehr sehr sehr geil
• Sarah macht kei sponti schlächti Entschtscheidige (living my best life)
• Polarliechter sind absolut toll und mached glücklich