01.09.23 - Reykjavík

De Tag het gstartet in Reykjavík, en churze Abstächer zu de Hallgrimskirche, wo eus au de Robert, en Kolleg vo de Anouk ufgläse het. Eusi grosse Rucksäck händ mer denn chöne i sim Auto verstaue und so no chli durch Reykjavík laufe und d Stadt aluege.

Nachem Zmittag hend mer eus ufgmacht richtig Secret Lagoon, "the oldest natural pool" in Island, diräkt näbere heisse Quelle wo all paar Minute vor sich he blubberet het (also im prinzip en chliine Geysir). S Wasser isch schön warm gsi, im gegesatz zu de usse Temperatur, und je meh mer in Oste gfahre send, desto stärcher isch de Wind au worde. Teilwiis mues mer ufpasse, dass mer ned weggwindet wird und mittlerwiile (stand churz vor 11i am Obe) isches dusse au rächt am rägne.

D Landschaft isch sehr sehr schön, teilwis fahrt mer ufere Stross wod i jedi richtig kilometerwiit über Fälder gsehsch, ab und zue stönd es paar Schof, Ross oder Chüeh ume. 

🌻

Facts of the day:

• Island isch sehr gay (10/10 love it) 🏳️‍🌈
• D Strosse höred mängisch random im nüt uf bzw es wird eifach en Chieswäg (abers isch die offizielli stross!)
• Es het sehr wenig Bäum und die meiste wo mer gseht send vo Mänsche pflanzt worde
• Wenn mer es Johr uf Wältreis sind get das 7 Johr lang Samstige (oder 3ehalb Johr Wuchenend) am Stück