31.08.23 - Tag 0

Jetzt chönd mer offiziell säge: Mer send uf Wältreis! Höt am Morge no dehei gsi und jetzt sitze mer z Reykjavík im Hostel be instant Nudle, 2600 Kilometer wiit wäg vo dehei.

De Tag höt isch aber rächt unspektakulär gsi, kurz nach 10ni ufbroche richtig Flughafe, gmüetlich durch Gepäckufgab und Security dure zum churz nach 1 pünktlich z boarde. Tatsächlich send mer denn aber met ere Stund verspötig abgfloge und met ere halbe Stund z spot z Reykjavík glandet. Churz vor 6i hend mer denn en Bus richtig Stadt chöne neh und um die 7ni im Hostel gsi. 

Vell meh händ mer nömm gmacht, morn gohts aber so richtig los!

🌻

Facts of the day:

• Es isch chalt in Island
• Brüele isch ersch in 48 Stund erlaubt
• Es isch lang hell!
• Gmües und Frücht sind sehr tüür
• Euses znacht het 2000 kostet 👀