waudbränd kanada

die letschte 2 wuche si starch prägt gsi vode über 500 waudbränd wo allei in british columbia wüete, bis jetzt si 950'000 hektare (stand 26.8. - leider e rekord) abbrönnt und richtig räge isch noni in sicht. im verglich d'schwiz het guet 4mio hektare.

uf dr insle wärdemer zwar chli verschont wöumer d'meeresluft hei wo dergäge drückt, aber trotzdäm hani nid mega vüu gmacht sitem letschte bitrag. es isch nid s'gliche wenn aues immer liecht bewöukt isch und d'luftqualität nid wük guet isch.

am sundi hani mou wieder e freie tag gha und bi ane 15km louf. sitem samsti isch d'luft zum glück wieder besser wöus gloubs döune orte chli grägnet het. dä louf isch def eis vo mine highlights gsi bis jetzt;

1. hani zwöi bäre (black bear) wüud gseh, ca. 100m entfärnt heisi dr wäg überquert. es git kanadier die hei ires ganze läbe no kene wüud gseh!

2. bini ungermne 4er schnitt gsprunge

3. hetsmer ufe 2. platz overall (vo 98) glängt (s'erst mou i mim läbe - dank nid so starcher kokurränz)

es paar witeri sache hani de glich ou no gmacht und gsehter uf de fotis.