a winter on vancouver island & changing plans

7h warte am nahezu lääre flughafe in vancouver, gnue zit zum churz zäme z'fasse wasi die letschte 3,5 mönet gmacht ha und wies witergeit.

zum 3. mou bini im birds of a feather b&b acho, aber dasmou klar miter absicht zum schaffe. ouso jo natürlech bini eifach e tourist, wo chunnt cho wiehnachte fiire und chli skifahre, wosi mi ar gränze froge wasi scho wieder do mache. während d'bsitzer vom b&b in thailand si bini verantwortlech für s'zmorge, aui zimmer und buechige. mit sehr guete bewärtige und höche erwartige vode gäst bini liecht unger druck gstange, ha das jedoch (lut aune beteiligte) souverän gmeisteret. meistens isches ou nid mega vüu arbeit gsi und so hani letschtäntlech glich gnue zit gha zum chli gniesse und sache z'ungernäh. wätter technisch e raffe start mitemne graue & nasse dec/jan (notabene dr 3. nässischt januar im letschte johrhundert) und emne versöhnleche früehligshafte feb/märz. während dr ganze zit bini glücklech gsi hetmer d'kala wenn immer möglech gsöuschaft gleistet und ihri family mi a wiehnachte ufgno. ouso isch mini ussag ar gränze nidemou gloge gsi.

ou wenn die zit e guete erfahrig isch gsi und mini reisekasse fasch wieder ufem stand vo letscht summer isch, hani müesse merke asi s'läbe, oder besser gseit mis umfäud scho biz vermisse. mit de aktuelle wäutgschehnisse isch somit d'entscheidig gäge s'spanisch lehre und fürne rückkehr eifach gsi. i gloubs es isch definitiv e zit wome am liebste nöch (mitem nötige abstand natürlech) bi familie und fründe isch. abgseh vode gschlossnige schuehle isches do uf vancouver island no zimli normau, weme nid d'news verfougt und s'natel aluegt merkt meh chum was. schetze dases bis i 1-2 wuche wird si wie ir schwiz. eich hätti am mändi temporär wieder ir helion wöue afo schaffe, aber mou luege wies usgseht. da s'momentan nid gross angeri gspröchsthemene git (läck vermissi dr sport), würi liebend gärn öich vo mine letschte paar mönet verzöue und lose was dir so erläbt heit, wett jedoch nid d'awisige vom bund verletze und drum müemer das äuä verschiebe.. i wünsche aune e gueti gsundheit und heit sorg zunang.

-----english part-----

The winter started with a wet & grey dec/jan (the 3rd wettest january in a century) but was pleasing sunny in feb/mar. Throughout the time Kala spend as much time as possible with me and whenever I had a guest free day we did some island exploring. Now after managing the beautiful Birds of a Feather B&B for the last 3,5 months on Vancouver Island it's probably a good time to go home. My actual plan was to go south and learn Spanish somewhere but with the circumstances at the moment, I think it's the right choice to go back and stay with the family. And yes it's def worse in Switzerland at the moment but it will hit us all...
I only wanna thanks Kala, her family & friends who made my Canadian winter special :) stay healthy and be kind to each other.