byebye vancouver island

nach 77 täg, ca. 530 bett azieh, 26 gsichtete orkas, wundervoui stränd, rund 63 aktive sportstunde & zauhrichi nöii bekanntschafte verlohni mini erste destination und mache mi mitem outo ufe wäg richtig festland.

es isch sehr kuul gsi do und si säge aui i heig so vüu gseh wie niemer angers, i has wük extrem gnosse und wirdes sicher ou vermisse. jedoch hani gseit i wett nöime nur blibe, solang asmers spass macht und langsam hani d'arbeit im b&b gseh, plus louftmer d'zit vom schöne wätter in kanada ab. ouso weni no chli was wett mache muessis jetzt mache, bevori de vermuetlech ca. ändi oktober richtig weststaate, sprich richtig sunne go.

die letschte täg hani mini base zwar no in colwood gha, aber nümm gschaffet und drum no zimli vüu ungerno, eis vode highlights isch sicher mi usflug nach tofino gsi (DÄ ort uf dr insle). in port alberni hani ou no e tolli wanderig gmacht. siehe fotos

on the road again.. :)