sometimes you just do things

inspiriert vo dere ussag (vom buech "eat & run" woni grad lise) SOMETIMES YOU JUST DO THINGS hanimer es outo kouft! besser gseit e mini-campervan. für mini zit nach dr insle isch es outo fasch unumgänglech, weni sogar no drin cha läbe und somit cha übernachtigschöschte spare umso besser. ouso eigentlech hets dr dieter kouft, sprich är hets übers b&b zaut und uf si name iglöst (plus versicherig) und mir somit guet 1'400.- erspart). knapp chf 5'000.- hani zaut.

zum glück hani es 4tägigs wucheänd dörfe gniesse und s'outo somit grad chönne iweihe - es isch super!

s'highlight isch sicher dr mount washington louf gsi woni überraschend guet bi gloffe (oder besser gseit klätteret). d'organisation isch scho angers, 2h vorem start isch ufem ganze gländ no nüt z'gseh und ufem parking nur mis outo wo scho die ganzi nacht dört isch gsi. ca. 90min vorhär chömesi fangs cho ufstöue (yeah we were a bit lazy this morning). eich söttes 14km si, aber uf mire uhr hani 12 woni is ziu loufe (yeah sometimes the course is a bit shorter than we tell on the website). s'büffet im ziu (wo nid ufem bärg, sondern dunge bim start isch) isch definitiv ou ungwohnt - aber sehr toll. meh derzue uf de fotis.

ah und es het s'erst mou siti do bi grägnet, zwar nur für 10min, aber es het glängt ases am wettkampf tag schön bewöukt und agnähm isch gsi.

auersits e gueti wuche.