tobi allein zuhause

...nach 12 täg komplett allei bini de doch froh isch d'paphada & dr dieter wieder do. es isch zimli asträngend gsi, aber widerum ou kuul wöui aues säuber ha chönne iteile und mega nöche kontakt mit de gest ha gha. si heimer wük ou vüu mou gseit wie froh si sige, dass si mi hei (u really save our ass) und si si froh bini noni dervo gloffe.

sitem 30. juli isches ouso wieder chli weniger arbeit und är zautmer öpis für die täg woni allei bi gsi und ou no für jede tag woni schaffe & d'debbie nid chunnt (si chunnt äuä gar nümm). i hätts ou eifach aus sehr spannendi erfahrig agluegt, aber nime das natürlech gärn ah (ou wenns nur e symbolische betrag isch). e job hetmer ou no abotte, aber wett gloubs nid für vüu lenger do blibe, abem okt/nov rägnets fasch nur no..

meistens hani nachem schaffe nüt meh gross chönne mache und drum hanimer es monetsabi kouft im sports center wo 10min entfärnt isch. dört hani scho diversi sache usprobiert - siehe fotos.

nöchst wuche machi 4 täg frei und wett eich go campe und amne bärglouf mitmache. mou luege obs derzue chunnt.

ungerdesse es schöns wucheänd und hoffentlech chli räge - dä wird überau vermisst (nid vo mir aber vor natur)..