ninanesto
ninanesto
vakantio.de/ninanesto

Paraty - RJ

Veröffentlicht: 11.10.2017

Paraty - RJ

Mit em Liniebus acho in Paraty hend mir kei Ahnig gha wo euses Hostel isch. Anstatt noch Wlan sueche hani denkt "das isch ezt d Chance zum teste wie guet mini Sprochkenntnis sind". us eme Gmisch vo portugisisch & spanisch hetz den halt nonig ganz e soooo guet klappet aber han am Schluss gwüsst wo mir dure müend. Mir sind mit eusne Rucksäck dur Paraty gloffe und hend en mega hufe vo Kleiderläde gseh, und zwor mega moderni (neeeeei nöd schowieder). Acho im Hostel het eus den de sabberndi Hund (de Schlaberi) begrüesst.

Es isch es mega herzigs Hostel gsi. Es wird mit Liebi und Liederschaft vo sim Bsitzer pflegt. Euses Zimmer isch sozsege eh Dachwohnig gsi, mega schön aber ca 60 Grad heiss. Mit sind quasi Niedergaret worde (Rare-Medium)

Nach em Ihchecke simmer den mal richtig Altstadt gloffe. DFraue hend natürli ih jede zweit Lade müese go s Inventar uswenig lerne. Irgendwenn hend mir ame Touriste Büro halt gmacht und es hend alli begeistert nach em Ross-Usritt gfroget. Ich ha kei guets Gfühl gha ha aber den de Muriel z lieb mich dezue entschlosse mitzgo. Was üs den glich no biz zum Verhängnis worde isch. Nacher sind mir fein go esse und mir sind an en Park anegloffe, wo par Jungs mit Instrument agfange hend sich es Plätzli z'richte. Sie hend innerhalb vo 30 min s verschlofene Altstädtli in en Party-Park verwandlet. Sie hend mit Saxophone, Trompete, jenschte Trommle und Bongos, Rasslene ect es chlises Samba Konzert gmacht. Ali Lüt hend Tanzet und freud gha.

Namelosi-Strossemusiker?

Am zweite Tag sind mir relativ bezite ufgstande und sind richtig Touribüro gloffe wo en Ma mit em Auto bereits uf üs gwartet het, um üs zum Rossstall z fahre. Uf em Weg han ich mol schnell en chline Afall gha, well die Deppe vo brasilianische Strossebauer all 50 Meter eh RIESE Bodewelle hend müese ibaue. 

Unübertribe, all 50 Meter

Nach 20 min Fahrt und ca 500 Bodewelle spöter sind mir am Hof acho. Üs het en regelrechte Cowboy begrüesst, mit Lederhose, Cowboyhuet, Stifel und Metallstern am Ferse. Gredet het er au wie en Cowboy vo Texas, eifach uf Portugisisch. Keis Wort verstande, aber immer nicke und lache. Er het gfroget wer am beste cha rite und mir hend all ufd Muriel zeiget. Sie het den s Ross übercho wo Angst gha het wen en Lastwage eus krüzt het. Jo, ich ha so e Art Esel übercho, mir ischs aber gad recht gsi. Mir sind denn los gritte und s isch eigentlich alles guet gange, bis eus de erst Lastwage krüzt het, er het jedoch gad aghalte und eus passiere loh. Nach ca 5 min chunt de nächst Lastwage, wie en Hirnamputierte Aff isch er a eus verbi, vergeblich hend mir Handzeiche gmacht er söll abbremse. De Muriel ihre Ross isch verschrocke, macht en Schritt hinderschi und chunt mit em hindere rechte Bei ines riese Loch ie, es gheit hinderschi um und d Muriel landet im Stacheldroht wos ihri Hoor drin verhange het. De Kriedewis Lastwagefahrer isch sofort zum Lkw usegumpet um ihre z helfe. Sie het zum guete Glück nur paar Kratzspure und eh chlini Fleischwunde. Glück im Unglück. Ich ha sie den Verarztet via Videotelefon mit ihrem Dad wo Arzt isch.

Am Abig sind mir denn gemeinsam is Altstädtli go z Nacht esse. Es isch mega schön, all Strosse sind do im 18te Johrhundert vo Sklave errichtet worde. 

Gesse hemmer ime Restaurant wos nebed dra irgendwas ime Kanal am nodere gsi sind. So wies euses Glück het welle hetz en riese Knall geh, noch eusere Vorspies isch s ganze Restaurant Stockdunkel gsi (und de Rest vo de Stross au). So en Depp het d Stromleitig verwütscht. Jo, den hend mir romantisch den euse Hauptgang nach ca einere Stund chöne gnüsse (kei ahnig wies fertig kochet hend). Aber es het jo zu eusem Tag passt.

Nöd die hellste Kerzene vo de Torte

Me sött wenn möglich vermiede, müese bsoffe heilaufe vo dd Altstadt. Mit dene Strosse wird nämlich de Heiweg zumene Stolperalptraum. Ich ha scho noch 2 Bier müeh gha.

Ezt sind mir mit eme super bequeme Reisecar unterwegs uf Sao Paulo wo mir 1 Nacht werdet verbinge. Morn Obig am 7ni reisemer den witer noch Foz Iguaçu, zu de grösste Wasserfäll vo de Welt. Ca 15 h werdemer via Car fahre und den hend mir döt 2 täg Zit. Nachher reisemer wieder retour noch Sao Paulo - Santos - Sao Paulo.

Bis bald, Ernesto&Pechvogel vo de Wuche Muriel. 


Antworten

Brasilien
Reiseberichte Brasilien