Veröffentlicht: 09.10.2017
Ilha Grande oder wie mir gern gseit hend "Hunde-Paradies-Insle".
Nachdem mir uschecket hend, sind mir vor em Apartment gstande und hend nonig so gnau gwüsst wie mir jetzt uf Angra dos Reis chömet. Nach ca 2h , nach etliche Telefon, Gspröch uf de Stross ect het sich den euse Guide (wo mit eus uf de Pedro de Gavea ue isch) bereit erklärt zum eus abe fahre. Zuesätzlich isch no en Bekannte vo ihm gfahre, da mir sus nid s ganze Gepäck hetet chöne transportiere.
Wo mir am Hafe acho sind, hemmer den zimlich zackig s Billet glöst und sind mit eme Gummibot/Speedboot richtig Ilha Grande. Noch ca. 30 min dureschüttle sind mir acho und mir hend eus gfühlt als ob mir uf de Jurassic Park Insle acho wäred. S Wetter liecht bewölkt, obe a de Bergspitze liecht näblig, atemberaubend. Teerti Strosse hetz kei gha, nur Sandstrosse. Autos? Was isch das? Nid eis Auto gseh, defür umso meh Hünd. Es isch wahrlich es Hunde Paradies gsi. Alli sind wild ume gloffe und jede het sich um e chlini Kuscheleinheit gfreut. D'Beach isch voller chline herzige Restaurants, du hocksch am Tisch zum esse und d Füess hesch im Sand. Hesch echli s gfühl gha das in Jamaica glandet bisch.
Eher weniger lustig isch d'Tatsach gsi dass mer no keis Hostel gha hend. De erst wo mir gfroget hend, het gseit das die ganz Insle usbuechet isch, bravo! Stimmt natürlich nid ganz. Die einte vo üs hend denn ufs Gepäck ufpasst und de Rest isch ufd Suechi gange. Noch ca 700 afroge und etliche grusige Zimmer wo sich d Kakerlake guet Nacht seget, hend mir eus entschide das mit eus splittet. Mir hend schlussendlich zwei herzigi Hostels gha und es isch eifach gsi aber super.
Mir sind am einte Tag uf e Bootstour. Sind am morge am 10ni abgholt worde und bis am 16:00 unterwegs gsi, für 35 CHF. Ich bi unter anderem s erstemol go Schnorchle. D Muriel het mir den schnell en Crashkurs geh und den hetz riesig Spass gmacht.
Jetzt sind mir scho uf de Witerreis noch Paraty und sind gspannt was üs erwartet. Mit fahret mit eme normale Liniebus, für 4 CHF ca 2 h lang.