Final Weekend Samara

Mis letschte Weekend in Samara geit langsam z Änd. Iz bini no ei Wuche ir Schueu u när gani no paar Täg uf Nosara, bevors de wyter geit nach Ecuador <3

Geschter Abe bini mit mine Samara-Lüt us ga ässe ines mega härzigs Restaurant diräkt am Strand. D Sunne geit hiä zwar öppe am sächsi abe, aber so z Meerrusche zum Znachtässe isch scho schön.

Hüt Morge si mir ga Rite. Mir si mit de Ross amne mega schöne Strand gsi - Playa Buenavista :) Mis Ros isch ganz e iversüchtige Cheib gsi. Chum isch es anders Ross sim beschte Fründ z nöch cho, heter d Ohre hindere glitzt u isch lostrabet :). 

Am Nami bini de när allei nomau a Carillo Beach chli ga umedüse mitm Velo. Es herrlechs Kokoswasser het für Erfrüschig gsorgt - git ke bessere Durstlöscher wes heiss isch :)

Zum Znacht het mini Mama Tica widermau super kochet...que rico. Bim Znacht hocke mir immer aui zämä (Familie Tica und 2 wyteri Studänte) u ploudere chli...aso ig mit mim Spanisch mau meh, mau weniger 😂.

Ja und iz? Eventuel no chli iz Schueubuech luege - tal vez ;)