Peru Ollantaytambo 😄

Viu lüchtigi Farbe, wunderschöni Landschafte und Panflöte...das isch mi erscht Idruck vo Peru 😄

Wo mir mitm Flüger z Cusco si acho, hei mir üs es Collectivo (das isch es Taxi wo sech mehreri Lüt teile) gno richtig Ollantaytambo 😂. Wo mir nid grad abgfahre si, het z Grosi hingerinn scho afa usrüefe (mir si di einzige Touris i däm Collectivo gsi) ja und us erschts si mir mau ga tanke 😂.

Nach 2h si mir de in Ollantaytambo acho u si mitm Tuk Tuk i üses Hotel gfahre :).

Ollantaytambo ligt uf 2792 mÜm - im Verglich zu Cusco (3416)

Äs isch es härzigs Dörfli mit Ruinene u Vorratspicher us dr Inkazyt.

Mir hei nis am nächschte Tag e Taxidriver gno u si nach Moray ga di Inkaterrasse luege, d Ruine in Ollantaytambo und d Pinkuylluna (Vorratschammere Inkas)

Idrücklech viu wiu no vo all däm erhalte isch. Näbscht däm chunnt no di Kulisse vo dä Ande derzue wo mä cha bestune.

Ou d Lüt hiä si sehr härzlech und i ha Fröid, dass ig chli uf spanisch cha komuniziere :).

Mir Plane üsi Reis vorzue. Aus nächschts geits mitm Zug nach Agua Calientes wo mir de vor hei, ufe Machu Pichu z ga.