Galapagos Islands :)

Mitlerwyle si mir uf dä Galapagos u hei scho sehr viu gseh u erläbt.

Mir si vo Guayaquil us nach Baltra gfloge. U vo dert us när nach Puerto Ayoro. Dert hei mir nis zersch ä Unterkunft müesse sueche u när isch z Ziel gsi, möglechscht gli ufnes Schiff, für di Inslene chli z erkunde :). Mir hei es super Agebot gfunde für 5 Tag ufm Katamaran Nemo 3 😍. Am Sunnti isches los gange. 

1 Tag Baltra-Seymour

2 Tag San Christobal (Lobos Island, Kicker Rock, Brujo Hill)

3 Tag Española (Gardner Bay, Suarez Point)

4 Tag Floreana (Cormorant Point, Champion Islet, Post Office Bay)

5 Tag Santa Cruz Highlands 

Jede Tag hets nöii Highlights gä. Näbscht au denä Tier wo mir hei chönne beobachte, hets wunderschöni Stränd gha und mir si mit viu Hintergrundinfos versorgt worde. Aues isch super organisiert gsi und z Ässe ufm Schiff isch super gsi! Mä cha das aues fasch nid i Wort fasse.

Nach derä super Tour si mir de no ga Touche u hei o dert wider Glück gha. Mir si z 4t gsi (normalerwys 12...). Bim Touche hei mir viu verschideni Haie gseh u Roche, näbscht dä farbige Fische 🐠. Iz si mir no bis morn uf dr gröschte u jüngschte Insle Isabella.

Hasta Luego