Machu Pichu y Rainbow Mountain 🗻

Wenn mä ufe Machu Pichu wott isch nüt mit usschlafe..😂, mä steit ab de füfe füre Bus a (mir hei nis us zytleche Gründ u wöus Rägäzyt isch, gägä z Trekking entschide).

Derfür si mir no ufe Montaña gloffe oder bessergseit gstige. 1h lang relativ steili Stäge ufeloufe isch no so asträngend..

Wo mir dobe si acho (2400 m.Ü.m) ischs no zimlech näblig gsi. Nachere Stund warte, het sech d Asträngig glohnt u mir hei ä super Ussicht ufe Machu Pichu gha vo obe 😍.

Dä Ort het scho chli öppis magisches, das mues mä fasch erläbt ha. Mir hei o super Glück gha mitm Wätter 😎.

Geschter hei mir no e Tagesusflug zum Rainbow Mountain gmacht. O für das hei mir am 03.20 müesse ufstah 😂. Erwartet het üs ä 2 Stündigi Wanderig vo 4200 m.Ü.m bis 5000 m.ü.m (mit Muskukater im Gepäck)

O das isch ä asträngendi Wanderig gsi, aber nach chli Schnee, Näbu u Wind hei mir ä wunderbari Ussicht gnosse. Di Landschaft o dert isch unbeschriblech.