Lake Titicaca Peru und Bolivien :D

Nach üsem Abentür i dä Bärge, hei mir üs ufe Wäg gmacht richtig Titicacasee. Mir si vo Cusco us mitm Nachtbus nach Puno gfahre u si dert grad diräkt ufne Usflug.

Und zwar si mir zersch d Uros - Floating Islands ga luege u hei vore Iwohnerin erklährt übercho, wi di Insle ufm Titicacasee boue wärde. När ischs wyter gange ufd Isla Amantani. Dr Usblick ufe See und di wunderbari Natur het mi chli a Südängland erinneret.

In Amantani hei  mir de bire Familie übernachtet i ganz eifache Verhältniss (i bi no erstunt gsi dass si überhoupt ä Lampe hei gha ;)) D Duschi wär natürlech ischaut gsi, drum hei mir druf verzichtet :).

Isch interessant gsi z gseh, wi eifach di Familie läbä u glichwohl zfride si.

Am nächschte Tag si mir no ufd Insle Taquile u o dert hei mir ä wunderbare Usblick gnosse. Mä merkt hiä generell wenn mä chli geit ga loufe, dass d Luft sehr dünn isch u mä sehr schnäll usser Puste isch :). O das ganz ä nöii Erfahrig.

Ja nach däm Uslflug isch d Frag gsi: Bolivie - ja oder nein?! Wöu ä Teil vom Titicacasee ghört zu Bolivie (40%). Mir hei nis für nä churze Abstächer nach Bolivie entschide. Da ig d Gäubfieberimpfig noni ha gha, si mir haut am Fritimorge no hurti iz Spital di Impfing ga mache - was ungloublechi  1,5 Franke koschtet het ;). Di Stund warte uf dr Kinderspitalabteilig het sech glohnt :D.

Z Bolivie si mir 2 Tag in Copacabana gsi (ja das gits nid nur in Rio :)). Mir hei widermau super Glück gha mitm Wätter u si o dert no ä Usflug ufd Isla del Sol ga mache. Bolivie het üs sehr gfaue, aber vo dä Restaurants u vom Service darf mä nid z viu erwarte...;)

Karnevall spilt in Südamerika ä Grossi Rolle. In Copacabana isch no grad dr Umzug gsi wo mir chlei hei chönne zueluege, das het mir sehr gfauä :D

Hiä z Bolivie hei mir es super kreativs Hostel gha mit Blick ufe See und allem was man braucht- inkl Hängematte u Liegestüeu und emne Lama wo chli agriffsluschtig isch....da hei mir de när no e chline Kampf gha mit Wasserschluch etc..haha.

Iz si mir grad mitm Nachtbus in Arequipa acho (Peru) u gniesse da 2 ruhigi Tage. Ja di Reis geit langsam am Ändi zue.......