Monteverde Weekendtrip

Scho isch di erschti Schueuwuche z Änd u wi jedä Friti mitemne Test beändet worde, juhuu....Ä Wuche mit viu sunnige u heisse Tage, i liiike :) 

Am Weekend hei paar vor Schueu e Usflug nach Monteverde i Näbuwald organisiert :) Ufm Wäg si mir vor Polizei (Unterkategorie) aghalte worde, Uswiskontrolle u Buess. Am Afang hei si 600 Dollar verlangt. Wo mir hei gseit mir heige keni 600 Dollar, hei si ärnschthaft gfragt, wi viu mir de wöuge zahle, haha. Mir hei de nüt zahlt u im Nachhinein erfahre, dass si üs weder hätte dörfe kontrolliere, no büesse..nätts Sackgäud wo diä dert äuä mache ;). Wo mir nach ca 3h in Monteverde acho si, hei mir chli ä Cheuteschock gha. Ig - wi immer mau wider beschtens usgrüschtet - ha mir e Pulli müesse ga choufe...Ja vo 31 uf 20 grad mit Wind, aso gfüehlt no viu cheuter.

Mir si de diräkt dr Näbuwald ga aluege. Mau öppis ganz anders, aber schön :) 

Am Sunnti si mir de no ga Zip-Line mache. Het mega Spass gmacht und mä het di Wyti vo däm Wald u derä Region no vo obe chönne bewundere.

Mitlerwyle wohni iz bir 2te vo denä 5 Schwöschtere in Samara. Ou ganz e liebi. Si chocht o sehr guet. Hiä gits vorallem Ris mit Bohne und öppis derzue - meischtens Poulet u Salat...pero me gusta :)

Hüt am Morge bini no hurti ga surfe. Isch e gäbigi Bucht zum lerne surfe u het mega Spass gmacht.