7.6.19 Letschte Tag Kopenhagen

Hüt isch de Tag vo de Usschiffig. 

Uf de andere Schiff immer ä grosse Stress und Ghetto gsi, do aber garnid. Mir hen d'Option gwählt dass mir d'Köffere selber vo Board nehme, so sin mir komplett frei vo de Ziit (eifach vor de 10i muesch an Land si). 

Also gmüetlich zmörgelet, und denn ganz ruhig nach Gedränge usm Schiff. Au d'Büs sin denn nahezu leer gsi und mir sin locker flockig in d'Stadt cho zu unserem Hotel. 

Dört hen mir s'Zimmer chöne bezieh und s'Gepäck abstelle, dass mir denn komplett frei d'Stadt chöne erkunde. Mitm Hop on HoponHopoff Bus hen mir wiedermol ä Stadt erkundet, do isch sogar ä 1 stündig Kanal und Hafefahrt drbi. 

Kopenhagen het sich als sehr vielfältigi Stadt entpuppt. Schöni Architektur, viel Wasser, viiiiiel Velos (uf 1 Kopenhagener chöme 2 Velos), viel elektro Autos (Kopenhagen will in 6 Joor CO2 neutral si) etc etc. 

Isch für jede öbbis drbi. Au kulinarisch passts, hmm lecker Smörebröd! 

 Ä Bsuech bi de Königsfamilie het au nid dörfe fehle. Mir hen eigentlich em Kronprinz wo hüt Geburtstag het welle gratuliere, aber d'Wache hätte wohl kei freud gha an unserer Idee. 

 Zobe sin mir zum Abschluss no fein go esse und denn au scho gli, erschöpft und mit viel iidrück im Kopf, zrugg ins Hotel.