06.6.19 anfahrt und Kopenhagen / Dänemark
Veröffentlicht: 19.05.2019
Jetzt isch aber wirklich Bombe Wetter!
Da mir erscht am 4i in Kopenhagen ahchöme, gniesse mir no die ganze Usseberiich vom Schiff. Esse Glace uf de Waterfront, spiele Shuffleboard und Pingpong, und schlendere eifach über Deck.
Durchfahrt durch die Meerängi zwüsche Schwede und Dänemark isch au sehr schön gsi.
Denn sin mir au am erschte und letztschte Hafe ahcho. Zum s'Wetter gniesse, sin mir schnell vo Board gange und in d'Stadt.
Uns hets wohl in bekanntischti Teil vo Kopenhagen zoge, de Nyhavn. Vo dört her sin mir z'Fuess richtig Christanshavn. Eimol über eini vo de unzählige Brucke drüber, überall Däne wo d'Sunne bi 24Grad gniesse.
Es zieht alli ans Wasser. Huusböötli, Segelböötli, Krüzfahrtböötli, Fährene... es het alles do. Schlussendlich sin mir denn zum Esse wieder richtig Nyhavn und hen dört ä tolls Restaurant gseh.
Da es Gwitter im ahsturm gsi isch, sin mir vorsichtshalber ine go sitze - chum sin mir dine gsi hets au gschüttet!
Esse isch sehr lecker gsi und s'Lokal sehr alt und gmüetlich. Timing isch perfekt gsi, Rege het ufghört wo mir uns uf de Rückweg zu unserem schwimmende Hotel gmacht hen.
Für die letzschti Nacht uf See...
Antworten