31.05. Reykjavik / Island

Friitig, d'Sunne begrüesst uns in Reykjavik.
Da mir erscht am 12i ahcho sin, und unser Auto erscht uf die 2i reserviert isch, hen mir de Morge ganz langsam ahgo lo.

Zum Zmorge hen mir uns bediene lo.
Bettina isch mit Waffle, Brötli und Frücht no zrugghaltend gsi.
Aber de Roger het u. a. mit : Lachs mit Spinatpancakes, Yogurtparfait und richtige süesse Pancakes alles geh.

Pünktlich hen mir denn unser Auto gholt.
Da mir für morn kei Stress hen welle, hen mir de erschti Halt vom Golden Circle bereits erkundet.
De Thingvellir Nationalpark.

Thingvellir isch nid nur geographisch interessant (es treffe sich zwei Tektonischi Platte die jöhrlich 2cm usenand gön), nei au gschichtlich isch de Ort für Isländer sehr wichtig:

"Hier, auf dem Thingplatz in der Nähe der Schlucht Almannagjá, wurde bereits um 930, also am Ende der Landnahme durch vor allem norwegische Wikinger, einmal jährlich während zwei Wochen im Juni die traditionelle Versammlung Althing abgehalten, die sowohl gesetzgeberische als auch gerichtliche Funktion hatte. Es handelt sich um eines der ältesten Parlamente der Welt – nach denen in Griechenland und im Römischen Reich der Antike"

Park isch sehr guet erschlosse, schöni Fotis gmacht. Sehr iihdrücklich alles.
Leider isch es denn no bitz go regne und denn sin mir aubald zrugg nach Reykjavik.

Zrugg in Reykjavik isch denn mol ä richtigs isländisches Znacht ahgseit gsi.
Mir hen ä tolls, älters Viertel gfunde und dört bitz chöne go shoppe und ä passends Restaurant entdeckt.
Was will me sage, s'esse isch eifach perfekt gsi.
In ä schöne alte Ambiente hen mir vieles probiert.
Salat mit Lamm/Lachs/Pouletspiessli, Gmüescremesuppe, Fish and Chips und Kabeljau an dreierlei Sellerie mit Herdöpfel.
Zum Dessert hets denn nurno für ä Kaffi glängt.

Bummsvoll sin mir denn zrugg zu unserem schwimmende Hotel, Wecker morn wird früeh lüüte!