3.6.19 Danke Wind- kei Halt in Inverness
Veröffentlicht: 19.05.2019
Newsletter abonnieren
Hüt isch Invergordon plant, schottischi Highlands.
Für de Zweck hen mir uns au e Auto gmietet. S'Wetter isch sehr nett, keine Welle, liechte Wind. Mir stönde rechtziitig uf, esse zmorge und warte das Schiff in Hafe fahrt... ... sowiit chunts aber nid. Schiff muess paar hundert Meter vorher umkehre. Zuviel Wind wo früehner als erwartet iisetzt. De Captain git uns immer wieder Infos.
Schlussendlich chunt au d'Entscheidig dass mir nach Edinburgh direkt fahre, dört denn früehner sin und au ä Stund länger bliibe.
Naja mache mir s'beschte drus. Mitm letztschte Internet no em Mietwage Mensch gschriebe und au direkt e Antwort becho - netterwiis erstatte Sie de Betrag.
S'Wetter isch drfür fantastisch gsi. Mir hen chöne uf em Balkon und ufm Deck si, sogar für e Minigolf und Ping Pong uf hoher See hets glängt!
Als Highlight wartet zobe ä Spezialitäte Restaurant, und zwar Moderno Churrascerria. Me fängt ah mit ä super Salatbuffet mit allne mögliche Antipasti und denn... FLEISCH! Me bechunt ä Karte, rot und grüeni Siite, grüen haltet de Lellner ah, rot halt nid. Drbi mit Spiess voller Fleisch, wo Sie nach Wunsch abschniide.
Isch grossartig gsi, und au Bettina het paar neue Fleischsorte kenneglernt. Zum Abschluss vom Tag hets no ä Cocktail gä und e churz Musik Show.
Newsletter abonnieren
Antworten