#13 - Morro da Urca
Veröffentlicht: 09.03.2018
Newsletter abonnieren
Do üsi Ziit in Barra bald vebii isch, hemmer no paar Sache wölle erkunde. Leider isch de grösst Teil wortwörtlich is Wasser gheit, weils sit zwei Täg regnet. Und blöderwiis gsehts au a üsere nögschte Destination nöd besser us, aber mir blibet zuevesichtlich.
Zum Glück hemmers no uf de Morro da Urca gschafft, en Hügel wo zude gliche Felsegruppe wie de Zuckerberg ghört, wommer mit de Seilbahn ufecha. Mir hend üs gege d Jesusstatue entschiede, weil dUssicht ufem Urca au sensationell isch unds bedütend weniger Touriste het. Ganz uf de Zuckerhuet ufe simmer denn us Kostegründ nöd ;-).
DFahrt mitem Taxi führt üs ine schös Gebiet mit wundervolle Gebäude (Museeä, Uni und kunstvolli Graffitis) wo i Militärhand isch. Am Rand findemer denn Talstation vode Seilbahn. Mit öpe 40 andere Lüt quetschemer üs is Gondle, wo dFahrt zum Glück nu 10min goht. Obe aacho simmer eifach nu überwältigt vo dere Ussicht, drum lohni ez do au Bilder spreche.
Antworten (2)
Marianne
...und schliesslich gsehd mer d'christusstatue vo da her besser als so nöch! Ich han s'wetter chli verfolgt und no denkt, räge und 29 grad, das mues e luftfüechtikeit erzüüge!!! Ich wünsche eu eifach vil freud und spass und vergnüege und e sicheri wiiterreis. Alles gueti und e umarmigErika
Na ja i hoff ihr chöneds trotzdem gnüsse und i denk es isch wenigschtens nöd so chalt. Was isch euers nöchschti Ziel?
Gnüsseds so guet wie möglich
Liebs Küssli 
Reiseberichte Brasilien