Amazonas 🐍🌴🎣

Iquitos ligt dsmitts im nordperuanische Rägäwaud, umgä vom Amazonas u isoliert vor Ussäwäut. 🌴🌊 Mä cha numä mitm Flugi oder mit ärä tagelangi Fahrt uf ämä Frachtschiff dert härä cho. ⛴✈️🤔 Mir hei üs de fürs Flugi entschidä. 🛬

Ds Iquitos simr de per Boottaxi ufm Amazonas zu üserä Dschungu Lodge bracht wordä. 🚤

dr Leo, üsä Guide het üs de ds ganzä Gländ u d‘Ungerkunft zeigt. 🌿 Ja mir si äs super Ässä für diä Moskitos gsi. Innerhaub vo 10 Min. simr vo obä bis ungä verstochä wordä. 🙈😳 am nächstä Tag het mä umä nüme gseh. 👏🏻😊 Dasmau mit Muggäspray, Gummistifu u Rägäjaggä usgrüstet, simr mitm Leo uf ä chlini Tour dürä Dschungu los tschaupet. 👣😉 Usgrüstet mit ärä Machetä het dr Leo üs ganz viu intressanti Sachä verzeut über diä Tier u Pflanzä womr da ahtroffä hei. 🗡🤔🦎🕷🦗🐜🌿🌴 Är kennt säch sehr guät us u ig ha nä no gfragt was ds gfährlächstä Tier hiä isch. Är het de gseit d‘Schlangänä, aber diä sigä ir Nacht aktiv... 🐍😳 Aha darum hetr oh d‘🗡 mitgno...🤔😅 ds vorderst isch dr Leo 🗡 gsi, när dr Pädu u de ig 🌿😜 äs isch de scho langsam dunku wordä u d‘Muggä si umä üs cho plagä. 😳 Schön step by step bini dä Gummistifu vom Pädu nachä tschaupet. 👣 Uh de gsehni wiä dr Stifu vom Pädu diräkt näbäm Chopf vorä Boa dürä tschaupet. 😱🐍 Äs isch mir vor cho wiä Zyt stiusteit. Si het säch no stiu u dr Pädu hets gar nid gmerkt. Ih däm Momänt dänki, ohohhh itze muäss ig no irgendwiä näbä derä dürä cho. 🐍😰 Innerläch hani gschrouä aber bi de ganz lislig näbä dürä glofä. 🤭🤫 Nach 3 Meter entfärnig hani de ändlech dä angerä chönnä sägä wasi gad gseh ha. 😅 dr Leo hets mir zerst nid gloubt u isch de säuber ga luägä... iu du u de hetr plötzlech grossi Ougä gmacht wonr sä gseh het! 😳 ä Boa Constrictor wo öppä 3 Meter lang isch gsi 😅 dä Momänt wirdi äuä niä vergässä woni gseh wiä dr Stifu vom Pädu diräkt näbä ihrem Chopf dürätschaupet... 🐍😱🙈 dr Leo het gmeint ig heig guäti Ougä, wöu är heigi äxtra guet gluägt u sä nid gseh gha! Hehe ig gseh oh deheim jedes Spinneli umächrüchä.🕷😅 Mir si de froh gsi womr umä heil zrügg si cho u öppis chüus ds trinkä het gä...🍺🍹😜

Uf üserä nächstä Tour simr mitm Böötli ines Uffanglager für Tier gangä. Dert heimr Fuutier, Schiudchröt, Boas 😜 u äs Baby Krokodiu gseh.🐢🐍🐊

Witer simr när mitm Böötli zurä Urwaud-Kommunä gfahrä. Mir hei de dörfä bi ihrär traditionellä Tanzuffüährig mittanzä u si hei üs ihräs Kunsthandwärk zeigt wosi säuber machä. 👏🏻😃 Ja mir hei ih denä 3 Täg viu gseh u erläbt. Mir si sogar no ga Piranhas fischä. 🎣 Het leider kenä inträssä gha ah däm Fleischköder u am Schluss hani de irgend ä angerä Fisch drannä gha,  🙈🎣 aber dä hani umä gad frei glah. 🐟🤗

Am letschtä Tag hät de ds Boottaxi üs uf diä 3 söuä cho reichä, dass mir gmüätlech ufä Flug wo uf 21.10 isch chöi ga. 🚤🛫 Dä Kutter isch de erst uf diä 5i cho. Wonr de ufm Amazonas vougas het wöuä gä isch de plötzlech nüme gangä. 🚤💥😳 är het de probiert vo Hand dä Motor wider ds startä, aber dä het nüm wöuä. Üsä Kutter isch i derä Zyt schön dr Amazonas düräb tribä... ja bis ärs de oh gmerkt het u de mitm einzigä Padu wos gha het, wider chli ufäpadlet het. 🛶🙈😅 1.5 Std. lang hetr probiert dä Motor zum startä ds bringä, bisr de mau amä angerä Kutter ahglüte het är söu mau losfahre zum üs cho reichä... Dä brucht drum öppä 1 std. biser de mau da wär. 🙄 Zum glück si diä vor Lodge üs när cho abschleppä u de heimr ir Lodge ufä nächst Kutter gwartet. 😏 Am 7ni ischr de ändlech cho! 🚤👏🏻 Mitlerwilä isches fister gsi... 😳 dr Mändu vom kaputte Kutter, ä Fahrer, einä wo mitm Natel zündet het u gseit wo dürä stürä, ä witerä Reiseleiter u mir 2 Turis simr de im Fistärä los gfahrä. Üs ischs nüm so wohu gsi bi derä fahrt. 😳 Nach ärä Stung simr de ändlech am Hafä vo Iquitos ahcho. 🙈🙃🙄 itz heimr ds Gepäck uf äs „TuckTuck“ (Toff mit ärä Sitzbank) müässä umladä u vougas dür diä chaotisch Strassevercher dürä a Flughafä! 🙈😅 üsä Reiseleiter isch mit ämä angerä TuckTuck diräkt hinger üs gfahrä. 😯

20.55 simr de ändlech am Flughafä gsi! 😅 Leider het dr Checking-Schauter scho zuä gha u mir hei somit nüm uf dä Flug meh chönä... 😒😔 Ja de heimr haut no ä Nacht me in Iquitos verbracht bis mir am nächstä Morgä früäh ä nöiä Flug hei gha für de nach Equador. 🙄🛫😊