Lofoten

Knapp 4h duuret de Weg bis as End vode Lofote. Å in Lofoten wär euses Ziel gsi. Bi so villne wunderschöne und atemberaubende Ort hämmer eifach sehr oft müesse ahhalte. Iwie fühlt sichs ah als hätte mr z wenig Ziit zums richtig gnüsse will mr so vill wend gseh und vill am fahre sind.

D Fischerdörfli und d Natur do obe hend ihre ganz eigete Charme. Me fühlt sich grad wohl und d Rueh wo do obe glebt wird gaht ganz tüüf.  D Strössli sind zum Teil holprig und eher eng. Die meiste intressierts nöd so, dass du mitme Camper entgege chunsch😂 ei Rueh hends😂 Kilometer wiit gseht mr amel kei Person und denn taucht eine ufem Velo uf.. chame mache. Muess mr aber nöd🤔

Bi Offersøy hemmer no denkt: chönd d Lofote das toppe? Und d Antwort isch: ganz klar JA! Das Wasser… selte so öpis schöns gseh! Das Blau und Grüen, das klare Wasser, eifach wunderschön!

Mir sind ganz abe zum Ussichtspunkt Å und denn 15min retour zu Moskenes wo euse Camping isch. Der hemmer eus nöd über d Homepage chönne ahmelde, sondern nur per Telefon. D Plätz werde zuegwise-bis ez de unspektakulärscht Platz. Aber langet locker für ei Nacht☺️

Im Fischerdörfli Sakrisøy hemmer en uh feine Lachsburger gesse🤩

Morn hemmer na einiges ufem Plan. Aber mir freuet eus, wenn mr mal irgendwo paar Tag am Stuck chönd wie en Anker ahlegge und eifach biz sii. Die Ihdrück sind sehr schön und doch brucht mr au biz Ziit zum sie sacke und verarbeite loh. 

D Lexi het hüt döfe Bifahrer sii. Nach Kopfschmerze het sie e Delfinherde entdeckt🤩 d Sue leider nöd. Aber das hole mr nache🫶🏼

D Lexi het hüt s Holzbrettli fascht in Brand gsetzt, wo sie de Lachs kocht het🙄naja cha passiere oder?😂 sie mue ez de Sue es neus poste 🤷🏻‍♀️