Stockholm

Naja… Vorfreud isch eus biz gno worde.

En Campingplatz z finde het sich bizli schwiriger gstaltet als denkt. Überall hemmer spontan chöne bueche was eus echt Freiheit geh het. In Stockholm hets biz anders usgseh. D Lexi het eim Camping gschribe und e Zuesag becho. Mir sind det anegfahre und bim Usstige ishes de Sue scho sehr undwohl gsi. Erst wo sies de Lexi gseit het, hets wie ,klirr‘ gmacht und sie hets au bemerkt. (Vllt kennrt ihr da vo How i met your Mother🙈- plötzlich gseht mrs au)

Mir sind ja wüki nöd heikel… mir hend echt d Rueh vo Norwege i eus mittreit, aber es het det sehr betrunkni Mensche gha wo fix det gwohnt hend. De vis a vis vo eus, het offesichtlich sine Kollege ahglüte, eine nachem andere het sich denn inre Reihe bi ihm ufen Stuehl gsetzt, paar Meter vor eus und sie hend eus beobachtet mitm Bier i knappe Hösli und oben ohne. Zwilichtigi Gstalte. Netter chamers nöd säge🤯 überall hets gschrotteti Autos gha, Müll und sustigs Züüg. Weder mir na d Hünd hend eus wohl gfühlt. Kei 45min simmer da gsi, hend en neue Platz gfunde- danke wer au immer bime Camping wo eig usbuecht gsi isch absgeit het🫶🏼🫶🏼🫶🏼

Vorem nögste Camping het d Lexi na inen Store müsse fahre womer Vino chan chaufe. Uf de Schreck abe hend das beidi brucht. Das isch in Norwege und Schwede ebe biz schwirig wenn mr öpis alkoholisches möcht chaufe. Gfunde, kauft und wiiter ufe hoffentlich bessere Campingplatz. Und das ischer definitiv gsi!

3 Tag verbringe mr do, sind mitm Uber id Stadt gfahre, hend s wunderschöne Altstädtli Gamla Stan ahgluegt, hend d Wachablösig vom Schloss vo Stockholm beobachtet. Sind am Mittag bzw am 14.00 e Pizza go ässe über de Dächer vo Stockholm- ja es isch sau heiss gsi!!!🤯 trotzdem fein.

Am zweite Tag simmer sehr früeh mitm Uber id Stadt gfahre und hend de Palast Drottningholm besichtigt mitm riiiiisige Garte vode Königin Sylvia und em Gustav. D Königin Sylvia het einiges ufm Kaste🤩🤯imformieret eu mal wenns eu intressiert. Mir findet da sehr ihdrücklich- im Gegesatz zu anderne Königinne und so🙄

Hundemüed und zwar alli, simmer zrug ufm Camping det na biz go umewatschle. Uh schön direkt amene See.

D Sue het zum erste Mal e schwedischi Schwedetorte gässe😜