Olberg und Mister Elches

Zwei Tag eifach mal Pause. Das hämmer irgendwie bruucht!

Mir hend spontan entschide e Handypause ihzlegge und wills eus uf dem ruhige Camping so gfalle het, hämmer en Tag ahghenkt. De Camping isch ufeme Buurehof wo glichziitig au Elchsafari ahbütet. Mir hends eus kurz überleit, sind denn aber doch nöd mit. Mir sind relativ wiit gloffe bis mr ame herzige See ahcho sind. 

Det hets en herzige Lade gha mitre sehr sympathische Bsitzerin. Denn simmer na biz aneghöcklet, hend öpis trunke, bevor mr eus wider uf de Weg gmacht hend. 

Ufm Weg zrugg het eus es Gwitter überrascht. Während d Sue mit de Hünd bime Hüüsli gwartet het, isch d Lexi 2km zum Camper grennt, um alli abzhole😂

Ide Nacht druf simmer vom nögste Gwitter überrascht worde. So gmüetlich gsi im Camper so ufzwache, usezluege und zwüsse mir chönd eifach ligge blibe🥰🤩d Hünd hend de slowmorning mit eus im Bett dörfe gnüsse🥹🫶🏼

Am spötere Namittag/Abig wos am ihdunkle gsi isch, simmer mit de Hünd go laufe.

Lexi: (haut d Sue ufe Arm) det isch en Elch! Sue: nei das isch en Stei! Lexi: das isch en Elch!!! D Sue: das isch es Ross Lexi: denn het das Ross es Gweih?! Und tatsächlich! En Elch! In freier Wildbahn, ohni Safari, ohni nüt eifach det am weide bim Buur ufem Feld🤣 zur Verteidigung, d Sue het d Brülle nöd ahgha😜

Ab zum nögste Ort..