Offersøy

Naja wie söll mr da säge🤔 d Lexi het Mischt baut. Zweimal s falsche Camping buecht-zur Verteidigung-d Homepage het en falsche Link gha☝🏻 zum Glück hets d Sue na gmerkt, sus wäre mr wider in Süde abegfahre😂zwar nur 1.5h aber glich. Eimal hets s Datum vo hüt gno, HAHA mir sind gad echt ame schöne Ort! Also nei! Und bim zweite Mal s richtige Datum aber ebe im glichnamige Camp im Süde🙄

Zum Glück hemmers gmerkt und mir fahret namal 6.5h in Norde. In Bognes simmer uf d Fähre😱au da hend all überlebt- und isch gar nöd mal so schlimm gsi😜 D Lexi isch biz gnervt gsi will sie vode Fähre nüt mitbecho het, zum Billet, Ahmeldig usw vorbereite. Aber isch au so gange☺️ warte mr mal uf d Rechnig🙊

D Oma het so widerlich pupst ufem Weg. Es isch echt schlimm gsi😂

Mir hend no es chlises Plätzli Schnee gfunde. S hend all Freud gha-naja, d Lexi nöd so🙊alles unter 25 Grad isch kalt und nöd so toll für sie😂fascht hettis d Sue ufe Latz ghaue, det isch de Schnappschuss entstande🤣

Bi Lødinge sind Camps biz rar, defür chönt mr überall campe womer will. S Freicampe isch nämlich erlaubt.

Mir hend aber en herzige Standort gfunde wo au na es Restaurant het. D Lexi het uh Freud gha hüt nöd müesse z koche. Sondern eifach anesitze mitme Gläsli Vino und s Esse zbstelle. De Lachs isch soooo fein gsi!🤩

Nachm Esse simmer mit de Hünd na as Meer und biz id Höchi zum die Schönheit na biz vo obe zgseh. Sogsar d Oma het einigermasse guet mitmöge🥰

Znacht het eus e Möwe gweckt wo ufem Camper umegwatschlet isch🥰

Jetz gömer namal as Meer zum d Hünd bewege und denn gahts los-as End vode Lofote😍