Hej Sverige

Hüt hämmer eus für en Hundetag entschide, was bedütet, dass mr nöd wiit händ welle fahre bis zum nöchste Camping und doch s Land wechsle. Kurzi Fahrt, aber die hets in sich… mir hend müsse dur en Unter-Meer-Tunnel fahre. Ganzi 4,05 km hemmer unterem Meer verbrocht🤩 sehr ihdrücklich und für gwüssi gar nöd so schlimm gsi wie ahgno🥰

D Øresundbron isch 7,845km lang und isch die längscht Schrägseilbrugg vo de Welt. Ganzi 7 Jahr hets brucht zum sie baue und het 1 Milliarde Euro kostet. Mir hend 130 Fr zahlt zum sie überquere😜irgendwie mue da Geld au wider inecho oder?🙊

Mir sind im Firstcamp in Sibbarp Malmø ahcho, hend euse Stellplatz kurz ihgrichtet und sind mit de Hünd as Meer. Uh windig isches gsi! Aber alli hends gnosse🥰 d Easy het zum erste Mal s Meer gseh! Sie het immer nani ganz verstande, dass mr das Wasser nöd trinke chan😂 isch aber ufblüeht wie es jungs Rehli🥹

Hüt wird nümme vill gmacht, mir hend na nachme Stellplatz in Norwege gsuecht. De Erst in Norwege🤩morn fangt d Reis so richtig ah, will weg dem Land simmer eig losdüüset. Mir freuet eus sehr🥰

Ufem Campingplatz hets ganz vill Wildhase mit ihrne Junge🥹 so herzig wies so nooch chömet und nöd mega schüüch sind. Mega süess wies mitenand spilet und umegumpet😍

Am Abig am 23.15 simmer namal as Meer und händ uf Dänemark überegluegt, dunkler wirds hüt nümm. Scho sehr speziell🙊