Hei Norge-finally!

Ihr müend eu vorstelle:

Znacht am 3 stopft eu öper, als obr z vill Platz würet bruche, schaltet denn s Handyliecht ah und seit: du musch bi klarem Verstand sii bevor du sie entfernsch! Do het sich allen ernstes en Zeck (!!!) bide Sue bide Rippli verbisse. 🤯 Sie isch scho tot gsi, ev vom vile Knobli womer gesse hend🙊het aber glich na ghebet wie sau. Die dumm Sau! 🤣 naja, eini hets überlebt, die ander halt nöd🤷🏻‍♀️

Mir hend es Zmorge to go mitgno, hend d Häsli no verabschidet und sind los Richtig Oslo/Norwege. E knapp 6.5 stündigi Fahrt wartet uf eus. Über die ihdrücklich, zweihüftigi, 1712m langi Uddevallabron. Sie isch 3 Johr lang erbaut worde und het 100Mio Euro kostet. Sie isch die zweitlängst Autobahnbrugg vom Land.

Ich chans und döfs eu nöd vorenthalte, aber: de Sue sind Kriesi usem Küehlschrank trolet, han das natürli wie sie müesse festhebe😜

D Fahrt isch hüt sehr lustig gsi: alti Lieder zum mitsinge (es giht Songs womer nach 15 Jahr na chan lose und jedes Wort no uswendig weiss), Pringles Duck Faces- womer ez nöd gnau weiss, wers richtig verstande het und wer nöd🤔😂 Autokennzeiche wo meh als fraglich sind.. gwollt?🤔 und so vill Strasseschilder wo de Sue ihren Name enthalte.. warte no uf eis mit mim🙄

In Göteborg hets eifach zmitzt ide Stadt en Freiziitpark namens Liseberg. Wie de Europapark hets usgseh. Det hets eifach e Achterbahn wo ohni Witz ime 90Grad Winkel steil durab isch🤯 sie heisst Valkyra. Gönd mal bi Youtube es Video go luege! So geil! I wär am liebste usgstige und ahgstande. D Sue nöd🙊

Hüt simmer für e Nacht im Topcamp bi Oslo. Hinderem Platz hets en uh schöne Ort womer cha go laufe mitme tolle See🥰hend eus grad wohl gfühlt! S einzig gwöhnigsbedürftige isch de chalti Wind🙊 De Standplatz hemmer ganz für üs allei🥰🫶🏼