Cusco u Machu Picchu 💕

Ds Cusco, im Zäntrum vom heiligä Tau vo dä Inkas, simr zerst mau chli dür diä gheimnisvouä Gässli u dürä Märit „San Pedro“ gspaziert. 😃 Dert uf ämä Bänkli zwüschä dä Ihheimischä heimr äs grosses Täuer vou für numä 2 Frankä gässä u äs isch eifach fein gsi. 🍛👏🏻🤗 Mir hei de när ä Verdouigsspaziergang ufä Sacsayhuaman gmacht u si när no chli diä schönä Handarbeitä i dä Gässli ga bewundärä 👏🏻😎

Äs witers Highlight uf üsärä Reis dür Südamerika steit vor dr Tür: dr Machu Picchu ⛰😍

Hiä in Cusco gitz ganz viu Müglächkeitä um zum Machu Picchu ds cho. Mir hei üs für diä abentürlächi u intensiveri Variantä entschidä, nämläch ds Fuäss uh das ir Rägäsaison 🙈👣😜 Tour duret 5 Täg uh geit überä Salkantay Mountain zum Machu Picchu🏔😅

Früäh am morgä si si üs ds Cusco (3350 m ü.M) cho reichä. Bi üserä erstä liächtä Wanderig vo Challacancha (3600 m ü.M.) zum Canal Inca (3700 m ü.M.) heimr sogar paar Chüäli 🐮 im steilä Hang gseh u bimä lockerä Tempo diä erstä spannändä Gspräch mit üserä Gruppä gha. Vier si vo Amerika, zwöi vo Australiä, zwöi vo Mexiko u no ä Spanier. 👏🏻😃 Üsi zwöi Guides wo üs uf derä Tour begleitet hei si sehr hiufsbereiti u vorauem humorvoui Typä gsi. 👍🏻😄 Dr Canal Inka het üs när zu üserä erstä Ungerkunft, ä Art Glasiglu in Soraypampa (3920 m ü.M.) bracht. Gstercht nach ämä feinä z‘Mittag hets diä ersti chlini Herusforderig gä 🙈😜🏔 Ä Wanderig zum Humantay Lake (4200 m ü.M.) 🙈😅 Womr los tschaupet si, si am Himmu 2 Condorä über üs gflogä. 🦅🦅😍 Isch ihdrückläch gsi u het üs bi dä erstä strängä Höhämeter no meh chraft gä. Äs isch de no churz cho Rägnä u drfür simr när dobä mit Sunnästrahlä u ämä Rägäbogä belohnt wordä. 🌈☀️👏🏻😍 Dä wunderschön See mit sinä lüchtendä blauä u grüänä Farbä het üs de chle a Öschinäsee erinneret 😉

Diä ersti Nacht bi 2 Grad ih däm Glasiglu isch auso schono chli früsch gsi, drfür het mä d‘Stärnä vom Bettli us gseh. ⛄️😜⭐️🤗

Am haubi 6i am Morgä hets z’Morgä gä u natürläch äs heissäs Coca Tee. ☕️👏🏻😉 Gstercht simr de los tschaupet zum ahsträngängstä Teil vo üserä Tour, nämläch via „Trail of 7 Snakes“ 🙈🐍😳 zum „Salkantay Mountain“ (4630 m ü.M.)🏔😅

Dr Ufstig isch sträng gsi aber mitm Motto „Step by step“ simr de glich rächt zügig ufä glofä. 😜 Faszinierend isch gsi wiä innerhaub vo 30 sekundä Näbu isch da gsi u so schnäu winr cho isch, ischr de oh wieder wäg gsi. 🌫😳☀️🙃😎

Ahgä für dä Ufstig heisi ca. 4 Stung. D‘Lüt vo üserä Gruppä si aui zimläch fit gsi, drum simr ih sage und schreibe 2.5 Stung ufä glofä. 👏🏻😅

Dobä ahcho het säch dr Salkantay vo sirä schönstä Sitä zeigt. 🏔☀️😎

När ischs numä no abä gangä nach Chaullay (2900 m ü.M.) Innerhaub vo wenigä Stung simr vom Gebirge i Dschungu glofä. Imä Zäut heimr de nach denä vilä Ihdrück herrläch pfüselet... 😴

Am nächstä Tag simr de gmüätläch u mit chli Muskukater idä Wadli, 15 km dürä Dschungu glofä nach Lucmabamba (2000 m ü.M.). Dert simr ga luägä wisi dä fein Kafi vo Peru härsteuä. ☕️😍 

Am Abä womr im „Jungle Dome“ si ahcho, ischs de leider no so richtig cho gwitterä u äs het grägnet wiä us Chüblä... 🙈⛈😳

Darum hei üsi 2 Guides gseit das mir us Sicherheitsgründ nid am nächstä Tag nid ufä nächst Bärg chöi ga. 😳 Mir heis de locker gno u hei ä lustigä Abä bi paar Bierli mit üserä Gruppä gha 🍻🤪

Am nächstä Morgä simr drfür gmüätläch entlang vom „Peru Rail“ 🚂 nach „Aguas Caliente“ (2050 m ü.M.) gspaziert. 😅😎

Dert simr früäh ids Hostel ga pfüselä wöu am nächstä Tag ischs am 4i los gangä für ufä Machu Picchu. 👏🏻🤗⛰

Im fisterä simr de meh aus 1800 Stägätrittä zum Machu Picchu (2430 m ü.M.) ufä tschaupet. Äs isch eifach atemberoubend gsi womr dert obä ahcho si... 😍⛰❤️

Obwou mir scho viu Biuder gseh hei, isch das Gfüähu, we du weisch, dass du dä ganz Wäg zu derä Inkaruinästet säuber glofä bisch, eifach unbeschriblech schön. ⛰😍

Isch sehr ihdrücklech wemä gseht was diä Inkas anno dazumau bout hei u jedä Stei passt perfekt ufä anger. 🤔👏🏻

Ds Wätter isch super gsi u üsä Guide het üs viu intressanti Sachä über diä gheimnisvoui Ruinästet verzeugt.

Vo dä vilä Emotionä überwäutigt, vo derä wunderschönä Tour, simr dem mitm „Peru Rail“ wieder zrügg nach Cusco gfahrä. 🚂❤️