from vancouver island to... ;)

...genau, hei id schwiz :) i wett doch mis nöie gotteching/nichte äntlech mou könnelere und derfür sorge asmi die angere zwöi chline nid vergässe. ah und jo vo familie und fründe wedi natürlech wüsse wiesne so geit. weni das ganze mit zwöine hochzite cha verbinde und derzue dr (hoffentlech) anhautend summer no chli cha gniesse, umso besser. i fröie mi uf jedi begägnig woni mit öich dörf ha. fausder öpis weit abmache, august isch realtiv schwirig wöui no bsuech ha für 2 wuche, aber im septämber hani sicher mou zit. eifach per whatsapp mäude!

läck bi ig glücklech, was fürne ungloublechi reis isch das gsi!! 402 täg oder gueti 13 mönet. primär nordamerika, aber ou es paar wuche mexico, belize und guatemala. s'schlimmste wo passiert isch, ha mis handy müesse ersetze, ha uf grund vo verletzige nid immer chönne sport mache und einisch simer schueh klaut worde. s'beste? aues! i ha so vüu schöni orte gseh, unvergässlechs erläbt, nöii fründe gwunne und einisch meh glert wie weni asme brucht zum glücklech z'si und was wichtig isch im läbe. TAKE NOTHING FOR GRANTED, BE THANKFUL FOR EVERYTHING YOU HAVE, APPRECIATE WHAT YOU DO AND BE HAPPY. töu säge i ha eifach immer glück, angeri säge es sig mini istöuig und ig säuber ha s'gfüueh mit chli glück und dr richtige istöuig chame so öpis erläbe.

wöui gärn statistike ha und mi lüt amigs froge was & wievüu, lieferi do paar zahle womi stouz/glücklech mache; 28 np und 35 staate ir usa, 9 zauti übernachtige i 11,5 mönet nordamerika, 36'000km mit mim van und z'letzt no die wichtigsti; usgabe vo 13'990.- i 13 mönet inkl flüg!!

us däm grund asi mit so weni gäud sone gueti reis ha chönne mache und noni reisemüed bi, goni ou nomou uf und dervo. momentan schwäbtmer im chopf dasi, sobaud s'wätter grusig wird, los go richtig asie. aber wär weiss, es cha aues angers cho;) to be continued...

bis baud und e gueti wuche