bye bye usa - hola mexico

..hach, herrlech bi summerlech warm bis heisse temperature am strand z'lige und de ab-und-zue is wasser go abchüehle. flip-flops, badhose und am obe es pullöverli um d'schultere und guet isch.

nachdäm ases 2 täg nachenang chli grägnet het (i ha gsamthaft gloubs ~10 mou räge erläbt sitem juni) hani gwüsst es isch jetzt zit zum ufbräche. no gueti letschti täg hani in carlsbad dörfe verbringe und bi de letscht mittwuch, nur mit handgepäck usgrüstet, am 7i am morge vo san diego über dallas nach cancun gfloge. ohni problem gits es 180-tägigs visa und scho heissts hola mexico. s'gfüeuh vom touri si isch nach 5min wieder völlig presänt mit au dene mexikaner wo eim dr best pris (special price for u my friend) für ire transport wei abiete. guet weisi, asi cha e günstige bus näh für zu mim "señor frog" hostel. cancun isch abgseh vom krasse tourismus und protzige resorts eich wük e super schöne ort. s'karribische meer isch troumhaft schön, warm und dr sand isch zimli wiss. mitem velo isch s'erkunde nid ganz optimau, drum buechi am angere tag e tour. die toure fingi öpis vom schlimmste, aber trotzdäm isches mängisch s'eifachste, wie zb bide "chichén itzá" ruine. die historischi maya stadt isch eis vode 7 wäutwunder und drum e non-plus-ultra touri ort. nachem müehsame ufgable vo zauhriche lüt, versuechi de aber s'beste drus z'mache, fründe mi mit öperem ah und ha e guete tag mitere schamane-zeremonie, klassischs mittags lunch buffet (aui wo scho in zentrau-/südamerika si gsi und sone tour gmacht hei wüsse vo was asi rede), guided tour um d'pyramide, bade ire "cenote" und e churze haut ir koloniaustadt valladolid. da d'usgangsmeile do sehr bekannt isch, e flotti person mer gsöuschaft wott leiste undi scho lang nüm mis tanzbei gschwunge ha, gits e längi nacht. heieiei zimlech was los do. dr fougend ruhetag verbringi am strand und verbrönnemer gäbig der rügge nachemne ungwout länge nap. z'zwöite mietemer am nöchste tag es outo (10.- pro tag, benzin 18.-) und bsueche puerto morelos, playa del carmen und tulum. es härzigs chlises stranddörfli, e zimlech überfluetete grosse touriort und tulum isch bekannt für es paar ruine imne schöne nationalpark mit ussicht uf super tolle strand. siehe fotos.

nach de paar erste täg bini scho fasch wieder chli im backpacker rhythmus, hami dra gwöhnt äntwäder sehr spot is bett z'go oder mit oropax z'schlofe und hamer e churzi zämefassig usdänkt fausi froge ghöre wie "how long are u in mexico? where have u been? how long are u traveling? where u from?". s'reise mit mim van vermissi aber scho biz.

i chamer guet vorstöue asi mexico sehr toll wirde finge. lustig wieder mou imne land z'si wo stopps uf dr stross nid wük stop bedüte, s'meiste für üs günstig isch, wome blaui ouge gekonnt cha isetze (de längt zb au e 100 peso note bimne pris vo 140 ire apothek) oder wo die iheimische chaut hei wenns 27° isch.

glücklechi grüess und e flotti wuche wünschi öich:)