tobis_life
tobis_life
vakantio.de/tobis_life

acho - vancouver island

Veröffentlicht: 11.07.2018

let's go..

e schöne abschied deheim, e müehsame flug (s'mediacenter bi condor choschtet zuesätzlech) und vüu froge am zoll (ganz liecht närvös bini scho gsi!) - ca. 14h spöter nimi mi gross rucksack und go ohni umwäge ufe buss womi via fähre nach victoria bringt.

dört chundmi dr dieter (dütschi wurzle, aber in kanada ufgwachse) cho abhole und bringt mi hei is "birds of a feather victoria b&b". wuah das ischmer vo afang ah sympathisch und wonermer chli verzöut wie är sech das vorstöut hani schomou es guets gfüeuh:)

mis tagesprogramm gseht ungefähr so us:

am 6i e kajakrundi vo 20min, 7.30 z'morge mit dieter oder debbie (agstöuti) vorbereite, 8.30-10.00 ässe & morgeschwatz mit de gäst, 10-1 zimmerservice (check-outs) und  när no 2-3h chli arbeite im&ums huus. spötistens ab 4i/5i chani de frei verfüege.

äntwäder goni go spörtle, mitem outo go erkunde oder bi eifach chli deheim und gniesse dä schön ort.

dr dieter hetmer nach de erste paar täg gseit, i chöng blibe, i sig dr erst männlech helper wo s'debbie ou akzeptiert und ig heig e sehr e gueti istöuig. "this boys attitude is amazing" seider immer gärn zu de gäst.

nachere wuche chani somit guet säge, i bi acho und i füehle mi super wouh:)

Antworten

Kanada
Reiseberichte Kanada