Santa Cathalina/Panama City

Happy new year to everyone  :)

So mi Trip isch bereits z änd u i warte im Momänt grad in San Jose uf mi Bus. 

Vorhär no zu mim letscht Teil vor Tour. Nach Boquete si mir nach Santa Cathalina gfahre. Dert si mir imne Surfcamp diräkt am Strand ungerbracht gsi. Das isch de när o das wo mir houptsächlech gmacht hei. Am Strand chli erhole u no e Schnorchuusflug wo mir viu Schildchrote u Haie hei gseh - näbscht anderne Fische. Immer wider faszinierend di Wäut wo sech unter Wasser abspielt. 

Eigentlech hätt ig wöue ga Touche. Da bi üs ir Nacht aber isch ibroche worde, hani ke Touchuswis, ke Gäud u ke Kreditkarte meh gha.

Isch bereits aber aues organisiert u es isch niemer z Schade cho.

Last Stop: Panama City. Ä riise Stadt - perfekt für mini Orientierig ;). Mir si mitm Bus chli ga d Stadt aluege u vorallem o dr Panama-Canal, was sehr interessant u idrücklech isch gsi.

Geschter hei mir no Silvester gfiiret ufere Dachterrasse - einzigartig. Nume di 2h Schlaf si chli weni gsi. Vorallem woni de gmerkt ha, dass mi dr Taxichauffeur am fausche Flughafe abglade het....Nachere churze Organisation hani de ä Taxichauffeur gfunde woni de vorallem mitm Wort rapido rapido komuniziert ha :))) Äs het funktioniert u i ha mi Flug nach San Jose verwütscht :)

Iz geits wyter nach Samara, woni morn mini Sprachschueu afa....

Hasta pronto