Boquete :)))

Saftigs grüen - das isch das wo mir i Sinn chunnt weni mi umeluege.

Mir si iz uf ca 1000 m chli i dä "Bärge". Aues isch sehr chli und idyllisch - was für mini Orientierig hiufrich isch ;).

Geschter am Morge hani ä Kafitour gmacht ire chline Plantage wo no praktisch aues vo Hand gmacht wird. Isch sehr interessant gsi, z gseh wi usere Art "Vogubeeri" d Kafibohne u när dr Kafi entsteit.

Am Nami bini ga Rite :) Eis vo minä Highlights bis iz! Äs isch glichzytig ä Heruseforderig gsi wo das Ross ufzmau losgalopieri isch :))) u het eifach nume Spass gmacht. Näbscht däm wahnsinns Usblick wo mir hei gha.

Am Abe het dr Edi (üse Guide) es gammer Barbecue vorbereitet gha. Le Hammmmmer ;).

Hüt geits wyter nach Santa Cathalina wo de wider chli Beach und touche ufm Programm steit. Zersch wartet aber ä 5 stündigi Busreis...